Yaburina.
122.
Ala Batu Banxi yisiga bɛtina, Dawuda gbeena. Sɛwan na a ra n xa, e na a fala n xa, “En siga Alatalaa banxini!” 
Iki, en tixi Yerusalɛn so dɛɛn na. 
Yerusalɛn tixi ki faɲi a banxine tugunxi e bode ra. 
Alatalaa yamaan sigama mɛnna nin bɔnsɔn yɛɛn ma, alo a sariyana a falaxi Isirayila xa kii naxan yi, alogo e xa sa a xinla tantun. 
Mangane kitin sama mɛnna nin Dawudaa manga gbɛdɛn ma. 
Ɛ Ala maxandi bɔɲɛ xunbenla fe ra Yerusalɛn xa. Ala xa bɔɲɛ xunbenla fi a rafan muxune ma. 
Ala xa bɔɲɛ xunbenla lu taani. Ala xa hɛrin fi taa yi kaane ma. 
Ngaxakedenne nun n xɔyine fe ra, n naxa, “Ala xa bɔɲɛ xunbenla fi Yerusalɛn ma.” 
N taana bɔɲɛ xunbenla nan fenma Alatalaa banxina fe ra, en ma Ala.