Yaburina.
126.
Ala Batu Banxi yisiga bɛtina. Alatala mɔn faxina en tan muxu suxine ra Siyon taani, a liga nɛn en yɛɛ ra yi alo xiyen na a ra! 
En gele nɛn han, en yi sɛwa bɛtine ba! Siyaan bonne yi a falama nɛn, e naxa, “Alatala bata fe gbeene liga e xa.” 
Alatala bata fe gbeene liga en xa, en birin bata sɛwa. 
Alatala, i mɔn xa nxɔ yamanan sɛnbɛ so alo tulen fama igen na xude wuli yixaren na kii naxan yi. 
Naxanye sansiin wolima e wugama, ne sɔnxɔma nɛn sɛwani se xabadeni. 
Naxanye sigama wugɛ sansi wolideni, ne xɛtɛma gelɛ nɛn malo xidine ra e xun ma.