Yaburina.
130.
Ala Batu Banxi yisiga bɛtina. Alatala, n bata n xui ramini i ma tɔrɔni. 
Marigina, n xuiin namɛ, i yi i tuli mati n ma maxandi xuiin na. 
Alatala, xa i nxu suxu nxu hakɛne ra, Marigina, nde luma a yalagitaren na? 
Koni i tan nan nxu mafeluma nxu hakɛne ra, nxu yi gaxu i yɛɛ ra. 
N yengi saxi Alatala nan ma, n niin taxuxi a ra, n xaxili tixi a falan nan na. 
N yengi tixi Marigin na alo taa kantanne yengi kuye yibaan ma kii naxan yi. 
Isirayila, i yengi ti Alatala ra, amasɔtɔ a hinan, a nɔɛ i xunbɛ nɛn. 
A tan nan Isirayila rakisima a hakɛn birin ma.