Yaburina.
136.
Ɛ Alatala tantun amasɔtɔ a fan. A hinanna luma nɛn habadan! 
Ɛ alane Ala tantun. A hinanna luma nɛn habadan! 
Ɛ marigine birin Marigin tantun. A hinanna luma nɛn habadan! 
A tan nan keden pe kabanako feene ligama. A hinanna luma nɛn habadan! 
A bata ariyanna rafala a xaxilimayani. A hinanna luma nɛn habadan! 
A bata bɔxɔn ti tilinne fari. A hinanna luma nɛn habadan! 
A bata yanban seene da kore xɔnna ma. A hinanna luma nɛn habadan! 
Sogen mangayaan ligama yanyin nan na. A hinanna luma nɛn habadan! 
Kiken nun sarene mangayaan ligan kɔɛɛn nan na. A hinanna luma nɛn habadan! 
A yi Misiran kaane dii singene faxa. A hinanna luma nɛn habadan! 
A ti Isirayila muxune yɛɛ ra keli Misiran yamanani. A hinanna luma nɛn habadan! 
A na liga a sɛnbɛ gbeen nan na. A hinanna luma nɛn habadan! 
A yi Gbala Baani taxun a tagi. A hinanna luma nɛn habadan! 
A yi a muxune ragidi a tagi, Isirayila kaane. A hinanna luma nɛn habadan! 
A yi Firawona nun a sofane radin Gbala Baani. A hinanna luma nɛn habadan! 
A ti a muxune yɛɛ ra tonbonni. A hinanna luma nɛn habadan! 
A yi manga gbeene faxa. A hinanna luma nɛn habadan! 
A yi manga sɛnbɛmane faxa. A hinanna luma nɛn habadan! 
A yi Amorine manga Sixɔn faxa. A hinanna luma nɛn habadan! 
A yi Basan kaane manga Ogo faxa. A hinanna luma nɛn habadan! 
A yi e bɔxɔn so a yamaan yii e kɛɛn na. A hinanna luma nɛn habadan! 
A yi findi Isirayila kɛɛn na, a walikɛna. A hinanna luma nɛn habadan! 
A ɲɔxɔ lu nɛn en tan yiigelitɔne xɔn. A hinanna luma nɛn habadan! 
A yi en xɔrɔya en yaxune ma. A hinanna luma nɛn habadan! 
A tan nan donseen soma niimaseen birin yii. A hinanna luma nɛn habadan! 
Ɛ Ala tantun naxan kore! A hinanna luma nɛn habadan!