Yaburina.
149.
Tantunna Ala xa! Ɛ bɛti nɛnɛn ba Alatala xa. Ɛ a tantun a tɔgɔndiya muxune malanni. 
Isirayila muxune, ɛ sɛwa, a tan nan ɛ daxi. Siyon muxune xa ɲaxan e mangan na. 
E xa e bodon, e yi Ala tantun, e tanbanna nun bɔlɔnna maxa a xa. 
Alatalaa muxune a kɛnɛnxi, naxanye limaniyaxi, a ne rakisima nɛn. 
Tɔgɔndiya muxune xa ɲaxan, e binyen fi Ala ma, e sɔnxɔ sɛwani e sadene ma. 
E xa lu Ala tantunɲɛ, e yi silanfan dɛ firin kanna suxu e yii, 
e e gbeen ɲɔxɔ siyane ra, e siya gbɛtɛne ɲaxankata. 
E yi yɔlɔnxɔnna sa e mangane ma, e yi e kuntigine xidi wuren na. 
E yi e ɲaxankata alo e yalagi feen sɛbɛxi kii naxan yi. A tɔgɔndiya muxune birin ma xunna kenla nan na ra. Tantunna Alatala xa!