1 Kronicles.
3.
Irera’ e pi’in pagel ni pifak David nni gargelegrad ko ngiyal’ ni bay u Hebron, ba’aray yarmen ni tabab ko en ni nganni’ i yib: Amnon, ni chitiningin e Ahinoam nu Jezreel Daniel, ni chitiningin e Abigail nu Karmel Absalom, ni chitiningin e Maakah, ni be’ ni bpin ni fak i Talmai ni Pilung nu Geshur Adonijah, ni chitiningin e Haggith Shefatiah, ni chitiningin e Abital Ithream, ni chitiningin e Eglah 
Yad nel’ u gubin nni gergelegrad u Hebron nnap’an fa medlip nge baley e duw ni i gagiyeg David u rom. I gagiyeg nib pilung u Jerusalem ni guyey nge dalip e duw, 
ma bo’or e pagel nni gargeleg u rom ni fak. Bpin rok ni Bathsheba, ni be’ ni bpin ni fak Ammiel, e diyennag aningeg i pagel ni fak: Shimea, Shabab, Nathan, nge Solomon. 
Miki immoy mereb e pagel ni ku fak: Ibhar, Elishua, Elpelet, 
Nogah, Nefeg, Jafia, 
Elishama, Eliada, nge Elifelet. 
Ma ku boch ni ku ba peth ko tiney e pagel ni ku fak, e fakay David rok yug boch e ppin rok. Ma ku bay reb e bpin ni fak ni Tamar fithingan. 
Ba’aray e pi’in ni owchen Solomon ni Pilung ni tabab ko matam me yib nga pifak: Solomon, Rehoboam, Abijah, Asa, Jehoshafat, 
Jehoram, Ahaziah, Joash, 
Amaziah, Uzziah, Jotham, 
Ahaz, Hezekiah, Manasseh, 
Amon, nge Josiah. 
Me Josiah e immoy aningeg i pagel ni fak: Johanan, Jehoyakim, Zedekiah, nge Joahaz. 
Me Jehoyakim e immoy l’agruw i pagel ni fak: Jehoyakin nge Zedekiah. 
Ba’aray e pi’in owchen i Jehoyakin ni Pilung, ni facha’ nni fek nga Babylon nib kalbus. I Jehoyakin e bay medlip e pagel ni fak: Shealtiel, 
Malkiram, Pedayah, Shenazzar, Jekamiah, Hoshama, nge Nedabiah. 
Ma Pedayah e bay l’agruw i pagel ni fak, ni Zerubbabel nge Shimei. Me Zerubbabel e ir e chitamngin l’agruw i pagel, ni Meshullam nge Hananiah, nge be’ ni bpin ni Shelomith. 
Miki immoy lal e pagel ni fak: Hashubah, Ohel, Berekiah, Hasadiah, nge Jushab Hesed. 
Me Hananiah e bay l’agruw i pagel ni fak, ni Pelatiah nge Jeshayah. I Jeshayah e ir e chitamngin Refayah, ni aram e en ni chitamngin Arnan, ni chitamngin Obadiah, ni chitamngin Shekaniah. 
Ma Shekaniah e ta’reb e pagel ni fak, ni Shemayah ni lal e pagel ni fak: Hattush, Igal, Bariah, Neariah, nge Shafat. 
Me Neariah e bay dalip i pagel ni fak: Elioenai, Hizkiah, nge Azrikam. 
I Elioenai e bay medlip i pagel ni fak: Hodaviah, Eliashib, Pelayah, Akkub, Johanan, Delayah, nge Anani.