PSALMS.
82.
Got ni par nga tagil’ u lan e mu’ulung ko girdi’en e tharmiy; me yog e n’en ke duwgiliy u langgin fare mu’ulung ko pi got ni ga’ar: 
“Thingar mu talgad i turguy e tin de yol’uw; ma thingar dab manged ko pi’in kireb! 
Mu n’ufeged mat’wun e pi’in gafgow nge pi’in kanim’ rorad; mu golgad ko pi’in bt’uf e ayuw rorad nge pi’in dariy gelingrad. 
Mu lufed e pi’in dariy gelingrad nge pi’in bt’uf e ayuw rorad u pa’ e pi’in kireb e leam rorad. 
“Ri dariy ban’en ni gimed manang ma ku dariy ban’en ni gimed manangfan. Kam polo’ i kirebgad, ma ke math mit e mat’aw u fayleng. 
Gu be ga’ar, ‘Gimed e pi got, ni gimed gubin ni pifak e en Th’abi Tolang.’ 
Machane gimed ra yim’ ni bod e girdi’; yafos romed e bayi mus ni bod gubin e pumo’on ni pifak e en pilung.” 
A Got, moy ngam gagiyegnag e fayleng; gubin e nam ma gur e suwom.