PSALMS.
93.
I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg. 
SOMOL, tagil’im e be par nib mudugil ni ka nap’an ko tabolngin, ma nap’an ndariy ban’en nike sum ma ga bay. 
SOMOL, pi t’ay e rigur nib to’ar e kar ga’ niged linganrad; kar pi’ed lamrad ngalang be chub lingan. 
I SOMOL e ma gagiyeg u tharmiy ni ir e th’abi tolang, ka ba ga’ nga lingan e rigur ni be chub, ma ka ba gel ko n’ew nu rigur. 
SOMOL, pi motochiyel e dariy n’umngin nap’an, ma Tempel rom e rriyul’ ni ba thothup, ni manechibog ko pichibog.