PSALMS.
114.
Nap’an ni chuw piyu Israel u Egypt, ni aram e pi’in owchen Jakob nra chuwgad ko fare nam ni gathi taferad, 
me yu Judah e ra manged e girdi’ ni thothup rok Somol, me milsuwon yu Israel ngak. 
I changar fare day ni Red Sea me mil; me sul fare Lul’ nu Jordan nga tomur. 
I og e pi burey ni bod e kaming; me tim’og e yochi burey ni bod pifak e saf. 
Day, mang e buch mag mil? Me gur Lul’ ni Jordan, mang ni mu sul nga tomur? 
Gimed e pi burey, mangfan ni mu oggad ngalang ni bod e kaming? Gimed e yochi burey, mangfan nim titim’oggad i yan ni bod pifak e saf? 
Fayleng mu durru’ ko wub ni ke tay Somol, u p’eowchen fare Got rok Jakob, 
nma pilyeg e war nge ngal’ nran nge gogyal nge ngal’ ni thang’el.