PSALMS.
150.
Ngu’un pining e sorok ngak SOMOL! Ngu’un pining e sorok ngak Got u lan e Tempel rok! Ngu’un pining e sorok nga gelngin u tharmiy! 
Ngu’un pining e sorok ngak ko pin’en nib sorok nike rin’! Ngu’un pining e sorok ngak ya ir e ba th’abi sorok! 
Ngu’un thoy e pi rappa ni aram e yibe pining e sorok ngak! Ngu’un chubeg e pi tatelin e musik ni harp nge lyre ni aram e yibe pining e sorok ngak! 
Ngu’un chubeg e pi drum ngu’un churu’ ni aram e yibe pining e sorok ngak! Ngu’un chubeg e pi telin e musik ni harp min thoy e ngal ni aram e yibe pining e sorok ngak! 
Ngu’un chubeg e yu raba’ i kobre’ ni yima chubeg ko musik ni aram e yibe pining e sorok ngak! Ngu’un chubeg e yu raba’ i kobre’ ni ba ga’ lingan ni yibe chubeg ko musik ni aram e yibe pining e sorok ngak! 
Gimed urngin e pin’en nib fos e ngam pininged e sorok ngak SOMOL! Ngu’un pining e sorok ngak SOMOL!