TANG KO PITANG.
1.
Bin th’abi fel’ e tang rok Solomon. 
Dep’ilugnam e ke tharayeg ko kiss; adag rom e kabfel’ ko wayin. 
Gasliw ni fel’, er bon dugum; ra nog fithingam me yib ngan’uy. Dariy reb e ppin nrayag rok ni tel ir ndabi adagem. 
Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem! 
Pi’in ppin nu Jerusalem, gu ba lumor machane gub pidorang, ni gub lumor ni bod e pi tent u daken e ted u Kedar, machane fel’ngig e bod e kateng ko naun rok Solomon ni tafen e pilung. 
Dab mu lik’ath ngog ni bochan rama’eg, ya yal’ e ke butbut’ nigeg. Pi pumo’on ni walageg e ra damumuwgad ngog ra tedgag ko maruwel u milay’. Ni dakriy e ngiyal’ ni nggu aywegneg. 
Adag rog, mog ngog, Bu uw e gin ni ngam waliy e gamanman rom ngay ngar abichgad? Uw e gin yad ra gif ngay ko yal’ ni msiw’? Mang ni ngar gu changar nigem u fithik’ e yu ran’ i gamanman rok boch e tagafal gamanman? 
Th’abi pidorang u fithik’ e ppin, mog damnang ko uw? Mman ngam lek fa ran’ i gamanman; ngam pir’eg e gin nge abich e kaming rom riy u charen fapi tent ko pi tagafal gamanman. 
Gur, adag rog, e gama pug e fan ko pi pumo’on ni bod ba os ni bpin nma tu’langnag e pi os ni pumo’on nma girengiy e chariot rok Farao. 
Piyan lolgem e rib fel’usun u daken linglingim ma ke puf nga daken bilel’ugnam ni bod e churwo’. 
Machane bay da ngongoliyew bikiyi chen ni fakam nib gol ni bay e nunuw riy ni silber. 
Pilung rog e kethig nga daken e sofa rok, ma florida rog e ke sugnag fithik’ e nifeng ko fel’ bon. 
Adag rog e bfel’ bon dugun ni bod e myrrh nib thig nga daken ngarngoreg. 
En ni adag rog e bod e floras u mapan ni be puf u lan e milay’ ni grape u Engedi. 
Adag rog, ri gab pidorang; be gal ra’en e adag u lan marwam! 
Gamareg to’, ri gab picho’ay; ni ri gama felfelan’ nigeg! Pan ni galunglung e nge mang tagil’dow; 
cedar e bay i mang ren e naun rodow, ma gek’iy ni cypress e nge mang tenjo riy.