Salmos.
13.
¿Gácaʼxte caz gal-la ládxuʼu nedaʼ, Xan? ¿Naruʼ tsaz gal-la ládxuʼu nedaʼ? ¿Gácaʼxte caz ucacheʼ cuinuʼ lahuaʼ? 
¿Gácaʼxte caz gun bayudxi guáʼ ilenaʼ le réquidaʼ ziʼ? ¿Gácaʼxte caz huíʼinidaʼ rëla, en te dza? ¿Gácaʼxte caz ucúl-lágaca nedaʼ nupa taʼdáʼbagaʼ nedaʼ? 
Buyú nedaʼ, Xan, en bubíʼi didzaʼ. Butipa ládxaʼa para cabí gátiaʼ. 
Níʼirö bitiʼ gaca ilaʼnná nupa taʼdáʼbagaʼ nedaʼ, bitiʼ ilaʼnná: “Bucúl-laruʼ lëʼ.” Bitiʼ gaca uluʼdzeja tuʼ nö́tjadaʼ ládxaʼa nedaʼ. 
Nedaʼ ruzxöni ládxaʼa yöl-laʼ dxiʼi ladxiʼ quiuʼ. Rudzéjadaʼ tuʼ rusölóʼ nedaʼ. 
Gul-laʼ queëʼ Xanruʼ, tuʼ benëʼ quiaʼ le naca dxiʼa.