Salmos.
150.
¡Guliʼcuʼë yöl-laʼ ba Xanruʼ! ¡Guliʼcuʼë yöl-laʼ ba Dios lu lataj láʼayi queëʼ! ¡Guliʼcuʼë yöl-laʼ ba ga dëdaʼ lataj queëʼ! 
¡Guliʼcuʼë yöl-laʼ ba ca nácagaca le zxön nunëʼ! ¡Guliʼcuʼë yöl-laʼ ba ca naca yöl-laʼ zxön queëʼ! 
¡Guliʼcuʼë yöl-laʼ ba, ucö́dxiliʼ lúzugacabaʼ chivo! ¡Guliʼcuʼë yöl-laʼ ba, quínniliʼ lë́ʼegaca bihuël-la caʼ! 
¡Guliʼcuʼë yöl-laʼ ba, cápaʼliʼ lëʼe guídi, en uyaʼaliʼ! ¡Guliʼcuʼë yöl-laʼ ba, quínniliʼ lë́ʼegaca bihuël-la, en ucö́dxiliʼ gui! 
¡Guliʼcuʼë yöl-laʼ ba, utíl-laliʼ guíë lëʼe luzë́ʼe! ¡Guliʼcuʼë yöl-laʼ ba, utíl-laliʼ guíë zxön lëʼe luzë́ʼe! 
¡Guliʼcuʼë yöl-laʼ ba Xanruʼ, tscaliʼ rizíʼiliʼ böʼ! ¡Guliʼcuʼë yöl-laʼ ba Xanruʼ!