1 Dios, Lue' ba bzu' netu' chalá'ala, ne be̱nu' xeajcházentu'.

Bzrá'ale̱'e̱nu' netu'.

Na'a bedá gácale̱nu' netu'.

2 Be̱nu' guzrú' xe̱zr la xu, ne be̱nu' bxalaj na.

Bexún na naga bxalaj na lawe' da dxebía xi na.

3 Be̱nu' blé'entu' netu', benne' chiu', da naca sté̱bele̱'e̱.

Be̱nu' guca chee̱ntu' ca güé'entu' tu da be̱n na xeajcházentu'.

4 Bnézruju' tu da dxulé'e lau chee̱ benne' dxelezrebe̱' Lue',

Da xeluxre̱' chee̱ gulé'e lau da naca li.

5 Chee̱ xelelá benne' ca' nazrí'iqueznu' Lue',

bsel-la le̱' dute̱ xel-la' waca chiu', ne bene chia'.

6 Dios gunné̱' lu lataj lá'azxa chee̱': “Wabéquezda' neda'.

Gunna' late weaj chee̱le xe̱zr la xu chee̱ benne' Siquem,

ne gudxixra' chee̱le xe̱zr la xu de̱ cuita xe̱gu Sucot.

7 Chia' naca xe̱zr la xu Galaad, ne chia' naca xe̱zr la xu

Xe̱zr la xu chee̱ zri'ine zre sua Efraín naca na ca

Xe̱zr la xu chee̱ zri'ine zre sua Judá naca na naga dxenná be'a.

8 Xe̱zr la xu chee̱ benne' Moab naca na ca tu

na' xe̱zr la xu chee̱ benne' Edom guchichan' nen zrela'.

Si'a ba neza xe̱zr la xu chee̱ benne' Filistea.”

9 ¿Nuzra che̱' neda' chee̱ guzétaja' xe̱zre da naxechaj na

¿Nuzra che̱' neda' chee̱ guzétaja' benne' Edom ca'?

10 ¿Quegá Lue' na' che̱'u neda', Dios, nacu' Bénnea'

ne quebe guxeájle̱nu' benne' chee̱ntu' ca', benne' dxjaque'

11 Gúcale̱ netu' chee̱ séquentu' tíl-lale̱ntu' benne' ca'

lawe' da naca dácheze xelácale̱ bénneache netu'.

12 Tu zren nen Dios gundxu tu da zrente̱,

na' Le̱' gulague̱' benne' ca' dxeledíl-lale̱ne̱' dxi'u.