1 Bselá neda', Dios.

Naca' ca tu benne' dxepe̱' lu nisa.

2 Naca' ca tu benne' xu'e̱ lu guzra' situj, ne quebe dxaca se̱'e̱.

Naca' ca tu benne' xu'e̱ lu nisa sítujle̱'e̱,

3 Ba dxajxréqueda' lawe' da ba gunné̱le̱'a, ne ba da lba'a.

Ba dxelátete̱ lawa' dxenná'a gácale̱ Dios neda'.

4 Ba naxándxa benne' dxelecuídene̱' neda' ca naxán

Zaj naca benne' wál-lale̱'e̱ benne' dxeledábague̱' neda',

benne' ca' dxuluzría xi'e̱ neda', ne quebe bi de̱ bizr chee̱ na'.

¿Dxal-la' quízruja' da quebe gulana'?

5 Dios, nézqueznu' Lue' naca da xálaze da nuna',

ne dxelé'equeznu' dul-la da be̱na'.

6 Quebe gu'u lataj xelexedué'e ne̱ chia' neda' benne' ca'

Quebe gu'u lataj xeleque zréaje ne̱ chia' neda' benne' ca'

7 Lawe' da nazrí'ida' Lue' bulucháchale̱ne̱' neda',

na' lu xel-la' stu' zúaqueza'.

8 Ca tu benne' zitu' naca' lau bi bícha'dau' ca',

ne quebe zaj núnbea bi chee̱ xrna'a neda'.

9 Lawe' da dxé'le̱'a gunne xue chee̱ lizru' dxal-la na

Gate dxelenné̱' benne' ca' schanni' chiu' Lue', Dios,

10 Gudxezra', ne be̱na' gubasa, na' bde cuina' xel-la' zi',

na' chee̱ le̱ na' bulucháchale̱ne̱' neda'.

11 Cá'anqueze bgacu cuina' zra lana' tuzruj.

Buluzúe̱' neda' ca tu da dxulé'e na da baxache' zrente̱.

12 Gulenné̱ chia' benne' ca' zaj xu'e̱ xu'u lawe',

na' benne' ca' dxelezuzre̱' belún le̱' chia' lu da belul-le̱'.

13 Neda' bláwizra' Lue', Xrana' Dios, lu zra

Dios, lu xel-la' dxexache lazre' zren chiu', ne lawe' da

14 Bebéaj neda' lu da ste̱be zua', naca' ca tu benne'

Bselá neda' lu na' benne' ca' dxelecuídene̱' neda'.

Naca' ca tu benne' xu'e̱ lu nisa situj.

15 Quebe gu'u lataj gatia' ca tu benne' xegache̱' lu nisa situj,

ne quebe gaca' ca tu benne' cheajchazie̱' tu lu xe̱dxu situj.

16 Beche̱be chia', Xrana' Dios, lawe' da chawe' naca

Gudá, gúcale̱ neda', lawe' da zrente̱ naca xel-la'

17 Gunná' xque ca da dxaca chia' neda', we̱n zrin chiu'.

lawe' da zua' lu da sté̱bele̱'e̱, be̱n ba xuzre xennu' chia'.

18 Gudá naga zua', ne bselá neda'.

Bselá neda' lawe' da zaj naxánle̱'e̱ benne' ca'

19 Lue' nézqueznu' ca dxulucháchale̱ne̱' neda', ne ca zua'

Dxelé'equeznu' xúgute̱ benne' ca' dxelecuídene̱' neda'.

20 Lawe' da dxelún le̱' chia' dxedú lazra', ne zua' lu da ste̱be.

Guleza' nu benne' xexache lazre̱' neda', san quebe nu chilá'.

Guleza' nu benne' xelexúe zrene̱' neda', san quebe nu chilá'.

21 Bulugawe̱' neda' da sla',

na' gate gubíleda', buluxí'aje̱' neda' da zichaj.

22 Ca naca laní chee̱ benne' ca' be̱n gaca na ca tu

ne be̱n xexaca da ba neza chee̱' tu da gun na cheajlecházie̱'.

23 Be̱n xelechul-la xiaj lawe̱' chee̱ québedxa xelelé'ene̱',

ne be̱n tu xelexrízrezqueze benne' ca'.

24 Dute̱ xel-la' dxezrá'a chiu' ble'e benne' ca',

ne dute̱ xel-la' xichaj zra'a chiu' be̱' benne' ca'.

25 Be̱n quebe nu chilá' lu xu'u lizre benne' ca',

26 lawe' da guláu zi' xuzre̱' bénnea' be̱nu' Lue' we̱',

ne dxuluzrizre̱' ca naca xel-la' zi' dxedé bénnea' be̱'u Lue'.

27 Ble'e dul-la da zaj nabaga benne' ca',

ne quebe gu'u le̱' lataj xelaque̱' tuze benne' xrlátaje chiu'.

28 Busula la benne' ca' lu xiche chee̱ benne' ca'

ne quebe guzúaju' le̱' naga zaj naxúaj la benne' xrlátaje ca'.

29 Neda' zua' lu da ba xa', ne lu da sté̱bele̱'e̱.

Bselá neda', Dios, ne bechisa neda'.

30 Gúl-laqueza' da güe lá'ana' La Dios chia'.

Gucá'ana szrena' Le̱' nen da dxue lá'ana' Le̱'.

31 Da nigá xezaca ba lázredxa Dios ca tu be̱zre, be̱ gutia' lawe̱',

u ca tu me̱', béadu zaj zua lúzuba', ne xrúguba'.

32 Xelelé'equeze benne' baxache' ca' da nigá, na' xelebene̱'.

Le biga lau Dios, na' gaca bánquezle,

33 lawe' da dxene Xránadxu benne' ca' dxelexázrjene̱',

ne quebe dxuzúe̱' chalá'ala benne' chee̱' ca', benne'

34 Le güe lá'ana Le̱', le'e zrale xabáa, ne le'e, zrale lu xe̱zr la xu,

ne le'e zrale lawe' nísadau', ne cá'anqueze xúgute̱

35 Dios guselé̱' benne' zaj zre̱'e̱ xe̱zre Sión,

ne xexune̱' xe̱zre ca' zaj zra na lu xe̱zr la xu chee̱

na' tu xelezúazqueze̱' na', ne gata' chee̱' xe̱zr la xu na'.

36 Zri'ine zre sua benne' we̱n zrin chiu' ca', gaca

na' benne' ca' zaj nazrí'ine̱' Lau' Lue' xelezúe̱' na'.