1 Xrana' Dios, dute̱ lázrdawa' güe lá'ana' Lue'.

Tu dxúl-lazqueza' da dxue lá'ana' Lue' lau dios ca' chee̱

2 Dxuzú zriba' lau xudau' lá'azxa chiu',

ne dxue lá'ana' Lau' lawe' da nacu' li lazre',

ne dxexache lazru' bénneache chiu',

ne lawe' da blé'enu' nacu' Benne' szrente̱,

na' szrente̱ naca xrtizru'.

3 Gate bláwizra' Lue', na' gúcale̱nu' neda'.

Nen dute̱ xel-la' waca chiu' btipu' lazra'.

4 Xúgute̱ benne' wenná bea du gabí'i xe̱zr la xu

xelúe lá'ane̱' Lue', Xrana' Dios.

Caní xelune̱' lawe' da ba belenne̱' ca naca xrtizru'.

5 Xelúl-le̱' chee̱ da ba nune̱' Xránadxu Dios,

lawe' da zrente̱ naca xel-la' ba chee̱ Xránadxu.

6 Szrente̱ naca Xránadxu Dios, ne dxácale̱ne̱'

na' quebe dxu'e̱ lataj benne' dxucá'ana szren cuine̱'

7 Lácala zua' lu da ba xa', Lue' dxutipu' lazra'.

Dxedábagu' benne' ca' dxeledábague̱' neda',

ne dute̱ xel-la' waca chiu' dxuseláu' neda'.

8 Gun Xránadxu Dios da guche̱be lazre̱' chia'.

Xrana' Dios, tu dxexache lázrezquezu' bénneache chiu'.

Quebe gusanu' dxunu' zrin da guzú lau' dxunu'.