51
Gumazim uan arazir kuraba gɨn amangasa God ko mɨgei
Devit onger akar kam osiri.
A gumazir onger akabar faragha zuim gɨnɨghnɨgha an osiri.
Devit Batseba ko arazir kuram gamizɨ, Godɨn akam inigha izir gumazim Natan, iza akam a gasara. Ezɨ Devit uan arazir kuram gɨnɨghnɨgha ighiar kam osiri.
1 2 Samuel 12:1-15; Onger Akaba 109:26; Aisaia 43:25; Aposel 3:19; Kolosi 2:14O God, nɨ uan apangkuvir arazimɨn gɨn mangɨ,
egh nan apangkufigh.
Nɨ apangkuvir ekiar kam nan ikɨ,
egh nan arazir kuraba batokegh.
2 Aisaia 1:16; Jeremaia 4:14; Hibru 9:14Gumazamiziba rua ua zue moghɨn,
nɨ na rueghtɨ nan arazir kuraba mangɨghtɨ
kɨ zueka.
3 Aisaia 59:12Kɨ fo, kɨ arazir kuram gamigha gɨfa.
Egha arazir kurar kɨ amizir kam,
kɨ a gɨnɨghnɨghavɨra iti.
4 2 Samuel 12:13; Luk 15:21; Rom 3:4Kɨ bar nɨrara, nɨn damazimɨn arazir kuram gami.
Nɨ uan arazir aghuimɨn gɨn ghua na isa kot gatɨgha,
nan arazir kuraba bagha ivezir kuram na ganɨngi.
5 Jop 15:14; Efesus 2:3Kɨ uan amebamɨn navir averiamɨn aven ikiavɨra itima,
arazir kuraba nan iti.
Arazir kurar kaba nan mɨkarzimɨn ikiavɨra itima
nan amebam na bate.
6 Onger Akaba 15:2; Aghuzir Akaba 2:6; Jems 1:5Kɨ fo, nɨ kamaghɨn ifonge, kɨ uan nɨghnɨzimɨn aven nɨn guizɨn akamɨn gɨn mangam.
Kamaghɨn, nɨ uan nɨghnɨzir aghuim isɨ
nan navir averiam datɨgh.
7 Dɨboboniba 19:18; Aisaia 1:18; Hibru 9:19Nɨ hisopɨn ter aguar muziaritam inigh a isɨ dɨpam darugh,
egh nan mɨkarzimɨn a kavamadaghtɨ, kɨ nɨn damazimɨn zueka.
Egh na rueghtɨ kɨ bar zuegh nir ghurghurimɨn mɨn bar ghurghurika.
8 Onger Akaba 35:10; Aisaia 35:10; Joel 1:16Bar guizbangɨra, nɨ bar na dɨkabɨragha egha nan arazir kuraba ikaragha gɨfa.
Datɨrɨghɨn nan navir averiam deraghtɨ kɨ bar akuegham.
9 Jeremaia 16:17Nɨ nan arazir kuraba ua dar ganan markɨ.
Nɨ da batuegh ua adagh nɨghnɨghan markɨ.
10 Onger Akaba 78:37; Matyu 5:8; Aposel 15:9; Efesus 2:10O God, nɨ nan navir averiam damightɨ a zuegh ua igiamɨn otogh.
Eghtɨ nɨn ifongiar aghuim nan aven izɨtɨ kɨ nɨrara ganam.
11 2 Atriviba 13:23; Aisaia 63:10-11; Jeremaia 7:15Nɨn Duam nan aven iti,
ezɨ nɨ uabɨn boroghɨn na batuegh, na da uan duam inian markɨ.
12 Onger Akaba 13:5Nɨ faraghavɨra ua na inizɨ kɨ nɨ bagha bar akonge.
Nɨ datɨrɨghɨn bar akongezir arazir kam na danɨngigh.
Kɨ nɨn akabar gɨn mangamin ifongiar kam, nɨ ua na danɨngigh.
13 Onger Akaba 22:27; Aposel 9:21-22Eghtɨ kɨ gumazir arazir kurabagh amiba nɨn akamɨn me mɨkɨmam,
eghtɨ me nɨ bagh izam.
14 2 Samuel 12:9; Onger Akaba 35:28; 71:15O God, nɨ nan Akurvazir Gumazim,
kamaghɨn nɨ nan akuraghtɨ, kɨ uan arazir kurar kam bagh ovengan kogham.
Kamaghɨn amizɨ, nɨ nan akurazir bizir kam bagh,
kɨ pamten ighiabar amuam.
15 Ua Me Ini 4:15; Onger Akaba 9:14O Ekiam, nɨ nan akuraghtɨ,
kɨ deragh eghaghanibagh fogh nɨn ziam fam.
16 Onger Akaba 40:6Kɨ fo, nɨ kamaghɨn aghua, kɨ asɨzim inigh izɨ nɨ bagh an ofa damuam.
Kɨ ofa damusɨ asɨzim mɨsuegh a tuaghtɨ, a bar isi mɨghɨran nɨ aghua.
17 Onger Akaba 34:18O God, nɨ kamaghɨn ifonge, kɨ ofan mɨn bar uabɨ abɨragh bar nɨn apengan ikiam.
Gumazamizir uari abɨra navibagh iziba,
nɨ akɨrim ragha me gasir puvatɨ.
18 O God, nɨ uan ifongiamɨn gɨn mangɨ Saionɨn gumazamizibar akuragh,
egh Jerusalemɨn nguibamɨn dɨvaziba uam adar ingarightɨ da tuifigh.
19 Dughiar kamɨn me ofan aghuir nɨn damazimɨn deraziba ko, asɨzim tuaghtɨ a bar isi mɨghɨrighamin ofa,
me da isɨ nɨ danɨngam.
Me uan bulmakaun apuriba inigh nɨn ofa gamir dakozimɨn izɨ
nɨ bagh dar ofa damuam.
51:1: 2 Samuel 12:1-15; Onger Akaba 109:26; Aisaia 43:25; Aposel 3:19; Kolosi 2:14
51:2: Aisaia 1:16; Jeremaia 4:14; Hibru 9:14
51:3: Aisaia 59:12
51:4: 2 Samuel 12:13; Luk 15:21; Rom 3:4
51:5: Jop 15:14; Efesus 2:3
51:6: Onger Akaba 15:2; Aghuzir Akaba 2:6; Jems 1:5
51:7: Dɨboboniba 19:18; Aisaia 1:18; Hibru 9:19
51:8: Onger Akaba 35:10; Aisaia 35:10; Joel 1:16
51:9: Jeremaia 16:17
51:10: Onger Akaba 78:37; Matyu 5:8; Aposel 15:9; Efesus 2:10
51:11: 2 Atriviba 13:23; Aisaia 63:10-11; Jeremaia 7:15
51:12: Onger Akaba 13:5
51:13: Onger Akaba 22:27; Aposel 9:21-22
51:14: 2 Samuel 12:9; Onger Akaba 35:28; 71:15
51:15: Ua Me Ini 4:15; Onger Akaba 9:14
51:16: Onger Akaba 40:6
51:17: Onger Akaba 34:18