52
Gumazir arazir kurabagh ifongezim, a gumazir onganim
Devit ighiar kam osiri.
A gumazir onger akabar faragha zuim gɨnɨghnɨgha an osiri.
Idomian gumazim Doek, Solɨn dɨpenimɨn ghugha ghaze, Devit Ahimelekɨn dɨpenimɨn ghu. Dughiar kamɨn Devit ighiar kam osiri.
Me onger akar kam kamagh a dɨbori, Maskil.
1 1 Samuel 22:9-10O gumazir ekiam, nɨ manmaghsua uabɨ fa, arazir kurar nɨ Godɨn gumazamizibagh amiziba bagha bar akonge?
Godɨn apangkuvim men ikia mamaghɨra iti.
2 Onger Akaba 50:19; 59:7; 64:3Nɨn mɨzem resan mɨn bar ghumigha ifavaribagh ami da otifi.
Dughiabar zurara nɨ gumazamizibagh asɨghasɨghasa mɨgei.
3 Nɨ arazir aghuim bar an aghuagha arazir kuram baghavɨra ifonge.
Nɨ guizɨn akam gifongezir puvatɨgha, ifarasa bar ifonge.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
4 Nɨ ifarir gumazim!
Nɨ uan akamɨn gumazamizibagh asɨghasɨghasa bar ifonge.
5 Nɨ orakigh, God bar nɨ gasɨghasightɨ nɨ ikuvigh kamaghɨra ikiam.
A nɨn dɨpenimɨn nɨn suiragh nɨ batuegh bar nɨ agɨvaghtɨ,
nɨ ua nguazir kamɨn ikian kogham.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
6 Godɨn gumazamiziba kamaghɨn nɨn ganigh atiatingam.
Me nɨn ingarɨva akɨ kamaghɨn mɨkɨmam,
7 Onger Akaba 49:6“Ia gumazir kamɨn gan! Gumazir kam God a geghuv egh deragh an ganan an aghua.
A uan dagɨaba ko bizir avɨribagh nɨghnɨgha ghaze,
an arazir kuraba an akuraghtɨ a deragh ikiam.”
8 Ezɨ kɨ, olivɨn tememɨn mɨn Godɨn Dɨpenimɨn aven tughav ikia deravɨrama aghui.
Kɨ nɨghnɨzir gavgavim an apangkuvir arazimɨn ikɨ mamaghɨra ikiam.
9 O God, nɨ nan akurazɨ kɨ zurara nɨ mɨnabɨvɨra ikiam.
Kɨ gumazamizibar damazibar nɨn ziam fɨ kamagh mɨkɨm suam,
“God arazir bar aghuimɨn na gami.”