Luda yã takada kↄ̃n Bokobaru yão SAAMUNƆ 111

111

Dii tↄ́bↄna

1 Aleluya!

Mɛ́ Dii sáabu kpá kↄ̃n nↄ̀sɛo do

gbɛ̃ maaanↄ kakↄ̃ana guu.

2 Dii yãkɛnanↄↄ bíta,

gbɛ̃ kɛ̀ à yã kɛ̀ńnɛ nnaanↄ è wɛtɛ wà dↄ̃.

3 À yãkɛnanↄↄ bɛ̀ɛ vĩ kↄ̃n gakuio,

à yãmaakɛna yãana vĩro.

4 Dii tò wà dↄ a yãbↄnsaɛkɛnanↄn,

à sùu vĩ kↄ̃n wɛ̃ndaao.

5 È pↄ́blee kpá a vĩakɛrinↄa,

ègↄ̃ dↄ a bà kuunańyo yãn.

6 À a yãkɛnanↄ gbãaa ↄ̀dↄa a gbɛ̃nↄnɛ,

à bori pãndenↄ bùsunↄ sì à kpàḿma.

7 À yãkɛnanↄ náanɛ vĩ bensↄ̃ à zɛ́ vĩ,

à yãdannɛnanↄ yãpuraa vĩ píngi.

8 Yã pìnↄ kãsãa pɛɛna gurↄ píngi,

è yã kɛ a zɛ́a kↄ̃n náanɛo.

9 À mìsiri zĩ̀ à a gbɛ̃nↄ bò,

à bà kúńyo gurↄ píngi.

À tↄ́ kú adona, à naasi vĩ.

10 Vĩakɛna Diinɛn ↄ̃ndↄ̃ mì ũ,

gbɛ̃ kɛ̀ aↄ̃ↄ à vĩa vĩinↄn asãnsideenↄ ũ.

À táakilɛna égↄ̃ yãana vĩro.