Luda yã takada kↄ̃n Bokobaru yão SAAMUNƆ 112

112

Gbɛ̃ kɛ̀ Dii vĩa vĩi

1 Aleluya!

Aubarikadeen gbɛ̃ kɛ̀ Dii vĩa vĩi ũ,

bensↄ̃ Dii yãdiɛnanↄ è kánɛ maamaa.

2 À nɛ́nↄ égↄ̃ gbãadeenↄ ũ ń bùsun,

nↄ̀sɛpuradee boriinↄ égↄ̃ dɛ aubarikadeenↄ ũ.

3 Ɔↄ kↄ̃n auzikio di à bɛ,

à yãmaakɛna yãana vĩro.

4 Baa gusiaan guu è pu gbɛ̃ maaanɛ,

nↄ̀sɛpuradee kɛ̀ sùu kↄ̃n wɛ̃ndaao vĩi.

5 Gbɛ̃ kɛ̀ è ↄ poro, kɛ̀ è pↄ́ sɛ̃kãńnɛ,

bensↄ̃ è yã kɛ a zɛ́a, yã è bↄo nna.

6 Pↄ́ke é gbɛ̃ maaa lá ble zikiro,

à yã égↄ̃ dↄńgu gurↄ píngi.

7 Baaru zaaa è à vĩa kũro,

à làakari ègↄ̃ kpaɛna, ègↄ̃ Dii náanɛ vĩ.

8 À kù è vĩro, vĩa è à kũro

ai à gá à yↄ̃̀gↄ̃ kɛ a ibɛɛnↄa.

9 È gba da takaasideenↄnɛ maamaa,

à yãmaakɛna yãana vĩro,

à gbãaa ègↄ̃ kaara kↄ̃n bɛ̀ɛo.

10 Gbɛ̃ zaaa è à e à pↄ fɛ̃,

è swaa kakũn à naguzi,

gbɛ̃ zaaa pↄyezina è kɛ pã.