50
Isalaela sa Lau Pono na Tau Paisowa ya Awaꞌabi
Isaiya 50:4-9
4 Somo haba E libaen mate Guyau, Yaubada ya fasibagu,
be safalumadi sa nuwa belubelu E liba faꞌadidilidi.
Hwalahwalala ouꞌouli ya fanofanohigu
bena haba E ita lobahi be ena nuwatuhu E falau watan.
5 Beyagu haꞌa ya soꞌedi
ena nuwatuhu hige ya ꞌwaiyoꞌoꞌen
yo hige ya tole mulimuliyen.
6 Tauligu E nuwa afulen be tau talaigu amainiya sa oi,
na papaligu E feledi be sapulagu sa laꞌa fahidi;
E itaꞌita lau lebedi na sa lau kanikanisoigu yo sa liuliuhwaꞌegu. (Maleko 14:65)
7 In moho Guyau Yaubada ya saguhigu
logena, dodoga ibege ti ita faheyayagu,
somo haba E fahoina mate nuwagu ya adidili,
na E siba ibege ya taumayamaya.
8 In, sai ya ita faloholohogu, mate sadaigu yai.
Maihalana yai haba sai ya sadigu?
Haga ta lau fatala! Tau fagilugu sai?
Au ita afulen be i liba mataigu!
9 Guyau Yaubada In tau sagusaguhigu.
Safalumadi sa fagilugu?
Tau fafagilugu haba sa tauyamuhi;
doha kwalikwali kaleko sa anidi.