1 Na khuehtawn dongah hangdang boeh, “Ka rhoeh van coeng,” ti boeh.

2 Na ngainah neh thaomnah te vai boeh, na thiko kah a hue khaw hloem boeh.

3 “Kai soah unim thaomnah aka khueh,” ti boeh. Boeipa long namah te dan n'tat ve.

4 “Ka tholh, dae kai ham bala om pawh,” ti boeh, Boeipa loh thintoek khaw a ueh.

5 Khodawkngainah khaw uepnah aih boeh, Tholhnah te tholhnah nen ni na thap eh.

6 “A sitlohnah len tih, ka tholhnah ping cakhaw, khodawk a ngai ni,” ti boeh. Amah taengah kosi neh sitlohnah bok om lah ko, a thintoeknah he hlang tholh soah ni a tlak.

7 Boeipa taengla na mael ham te uelh boeh, hnin at phoeiah hnin at dang thil boeh. Pathen kah kosi te nang soah buengrhuet ha tla vetih, dantatnah hnin at na mit na moeng ve.

8 Laithae khuehtawn dongah hangdang boeh, citcai tue ah na hoeikhangnah om hae mahpawh.

9 Kho a hli takuem khaw cang hla boeh, caehlong khaw boeih vai boeh

10 Na mingnah soah a cak la pai lamtah, na olthui khaw a cip la om saeh.

11 Hnatun ham tah loe sak lamtah, hlatnah ham tah a yaila poek.

12 Thui ham te na ming atah na imben mah hlat pah, na pawt atah na ka te na kut neh buem thil.

13 Hinyahnah neh mingthaenah khaw olthui lamloh thoeng tih, hlang kah lai he amah a tlaknah la om.

14 A lai ka phae tila n'khue uh boel saeh, na lai te hlaeh la tung boeh. Huen lamloh yahpohnah thoeng tih, a lai aka phae he tah a boe hamla tueng mai.

15 A len khaw, a yit akhaw, dumlai he tah nganboh la om het mahpawt nim?