1 Youn nan sèt zanj ki te gen sèt gode yo te vini. Li te pale avè m e te di: “Vini isit la! Mwen va montre ou jijman a gran pwostitiye ki chita sou anpil dlo yo, 2 avèk sila a ✡ Rev 2:22wa latè yo a te vin komèt zak imoralite. Tout sila ki demere sou latè yo te fè vin sou avèk diven imoralite li a.”

3  ✡ Rev 21:10Li te pote mwen lwen nan Lespri a nan yon dezè. Mwen te wè yon fanm ki te chita sou yon bèt wouj, plen ak non blasfèm, ki te gen sèt tèt ak dis kòn. 4 Fanm nan te abiye an mov ak wouj, e te dekore avèk lò, pyè presye, ak pèl. Nan men l, li te gen ✡ Jr 51:7yon gode an lò, ranpli ak abominasyon, de tout bagay sal de imoralite li yo. 5 Sou fon li, te ekri yon non: ✡ II Tes 2:7MISTÈ: “BABALONE LE GRAN, MANMAN A PWOSTITIYE AK ABOMINASYON SOU LATÈ YO”.

6 Konsa, mwen te wè fanm nan sou avèk ✡ Rev 16:6san a sen yo, e avèk san a temwen Jésus yo. Lè mwen te wè l, mwen te etone anpil.

7 Zanj lan te di mwen: “Poukisa ou etone? Mwen va di ou mistè a fanm nan ak bèt ki pote li a, sila ki gen ✡ Rev 17:3sèt tèt ak dis kòn yo. 8 Bèt ke ou te wè, li ✡ Rev 11:7te ye a, li pa la, e li prè pou sòti nan labim nan pou ale nan destriksyon. Epi sila ki rete sou latè yo, ke non yo pa ekri nan liv lavi a depi nan fondasyon mond lan, va etone lè yo wè bèt la jan li te ye, jan li pa la, ak jan li va vini an.

9 “Men panse ki gen sajès la. ✡ Rev 10:11Sèt tèt yo se sèt mòn kote fanm nan chita yo. 10 Yo se sèt wa. Senk te tonbe, youn la toujou, e lòt la poko vini, epi lè l vini, li dwe rete pou yon ti tan. 11 Bèt ki ✡ Rev 13:3,12,14te ye a, e ki pa la a, li se yon uityèm tou, e youn nan sèt yo. L ap wale nan destriksyon.

12  ✡ Dan 7:24“Dis kòn ke ou te wè yo, se dis wa ki poko janm resevwa wayòm yo, men yo resevwa otorite tankou wa, ansanm avèk bèt la pandan yon èdtan. 13 Sa yo gen ✡ Rev 17:17yon sèl bi, e yo va bay pouvwa yo ak otorite a bèt la. 14 Sila yo va fè ✡ Rev 16:14lagè kont Jèn Mouton an, e Jèn Mouton an va venk yo, paske Li se ✡ I Tim 6:15Senyè dè senyè e Wadèwa. Konsa, sila ki avè l yo se sila ki gen apèl, ki chwazi e ki fidèl.

15 “Ankò, li te di mwen: ✡ És 8:7“Dlo ke ou te wè, kote pwostitiye a chita a, se pèp yo, foul yo, nasyon yo, ak lang yo. 16  ✡ Rev 17:12Epi dis kòn ke ou te wè yo, ansanm ak bèt la, sa yo va rayi pwostitiye a e yo va fè l vin dezole, e toutouni, epi yo va manje chè li e brile li avèk dife.

17 “Paske Bondye te mete nan kè yo pou fè volonte L avèk bi ke yo gen ansanm nan, e pou donnen wayòm pa yo a bèt la, jiskaske pawòl Bondye yo ta vin akonpli.

18 “Fanm ke ou te wè a se ✡ Rev 11:8gran vil la, ki renye sou wa latè yo.”