1 Kanan Diyos en Moses, 2 “Ibilin mo sin Israelita ta iali day kamayatan ay lana ay napo sin napespesan ay lames di olivo sin Tolda ay Panpappailaak. Amagen da di ta say kanayon ay manbidbidang din silaw 3-4 ay wada sin Nasantoan ay Kowarto sin sangon di kurtina ay nanasalin sin Baol di Tolagan. Minasdem ay tetengan Aaron din silaw ay nay ay naipeey sin patangan di silaw ay balitok ta say maninsinlabi ay manbidbidang sin sangoanak. Din bilin ay nay et masapol ay tongpalen yo ya siya abe din poli yo si eng-enggana.”

5 “Man-a ka si sinpo ya dowa ay kilo sin kamayatan ay arina ta otoem si sinpo ya dowa ay tinapay. 6 Asi ka pay sag-eenemen ay dapaten si dowa ay linya ay maipatang da sin lamisaan ay napakpakan si natanig ay balitok sin sangoanak. 7 Man-ipeey ka abe si natanig ay insinso sin dowa ay linya ta say mapooan ay maidaton en sak-en et kaman say sokat din tinapay. 8 Sinabado ay wada di tinapay ay madapat sin sangoanak. Siya na di lebbengen di Israelita si eng-enggana. 9 Din tinapay ay nay et okan da Aaron ya din poli na. Kanen da sin Nasantoan ay Kowarto tan say kasasantoan si bingay da sin daton ay mapooan para en sak-en.” 10  11  12  13  14  15  16  17  18  19  20  21  22  23