1 Toteco Dios, xijpiya hueyi moyolo ica tojuanti huan techtiochihua.

Ma petlani moixayac pampa tipaqui ica tojuanti quema techhualtlachilía hasta tlen nepa ilhuicac.

2 Nochi masehualme ipan tlaltipactli ma quiiximatica moojhui.

Masehualme ipan nochi tlalme ma quimatica para ta titemaquixtía.

3 NoTeco Dios, ma mitzpaquilismacaca nochi masehualme ipan tlaltipactli.

Quena, nochi masehualme ma mitzhueyimatica.

4 ¡Ma paquica nochi masehualme ipan nochi tlalme huan ma huicaca pampa ta, tiinintlanahuatijca!

Ta tiquintlajtolsencahuas quen quinamiqui,

huan nochi tlalme tiquinyacanas xitlahuac.

5 ¡NoTeco Dios, ma mitzpaquilismacaca nochi ipan tlaltipactli!

¡Quena, nochi masehualme ma mitzhueyimatica!

6 Ni tlali temacatoc miyac pixquistli, pampa ta, Toteco Dios,

catli titoDios tojuanti, tlahuel techtiochijtoc.

7 Quena, noja más techtiochihuas, Toteco Dios,

huan masehualme campa hueli ipan ni tlaltipactli mitztlepanitase huan mitzimacasise mitzixpanose.