109
A nianga tupas no tunotuno nong i kure ira ut na ninge: Devit ga pit iakan ra ninge na lotu.
1 God, iau pirlat ugu.
Waak um u kis kunkun taar,
2 kanong ira sakana tunotuno ma ira ut na harabota diet te papos ira ha diet wara tangtange haliare iau.
Diet harabota taar utagu.
3 Jn 15:25Diet tur luhutane iau ma diet se ira milmilikuan na nianga.
Diet ubu bia mon iau ma taie ta burena.
4 Diet balu pukus ira nugu harmarsai ma ra nianga na hartutung,
iesen iau tiga tunotuno na sinasaring.
5 Nng 35:12Diet balu iau ma ra saksakena uta ira nugu bilbilai,
ma ra milmiliguruan na magingin mah uta ira nugu harmarsai.
6 Sek 3:1Pilak tiga sakana tunotuno wara tangtange haliare no nugu ebar.
Bale tiga ut na hartutung bia na tur kaia tano kata na limana wara tungtung ie.
7 Snd 28:9Ing bia na tur ra harkurai, bale bia da tung soot ie,
ma nes kilam ira uno sinasaring bia a sakena.
8 Ap 1:20I tahut bia pa na lon lawas,
ma bia tiga mes mah na kap no uno subaan na lualua.
9 KBk 22:24; Jer 18:21Iau sip bia ira natine na taie adiet ta sus
ma bia no uno hahin na makosa.
10 Stt 4:12I tahut bia ira natine diet na maris sokopi ma diet na goota hurbit wara saring mangana linge wara harharahut diet.
Iau sip bia da pasak hasur se diet ta ira pangaho na ngasia diet.
11 Ais 1:7Ma bia iakan ra tunotuno ga saring leh tiga linge, ma pai balu pukus, iau sip bia da palim bakut leh ira uno linge,
ma bia ira wasire mah diet na kap leh um ira hunena ira uno mangason wara udiet.
12 Ais 9:17I tahut bia taie tikai pa na marsei,
ma waak bia tikai na malisane ira natine ing taie adiet ta sus.
13 Snd 10:7Bale bia ira uno bulumur diet na maat bakut,
ma bia ira tunotuno ing diet na lon namur, diet na lik luban diet.
14 KBk 20:5; Nam 14:18Iau sip bia no Watong na lik kawase ira magingin sakena ta ira hintubuno,
ma bia pa na suge se mah ira nironga tano pawasine.
15 I tahut bia ira udiet magingin sakena pa na panim laah meram ho God,
ma bia pa da lik habaling um diet kai ra ula hanuo.
16 Nng 37:14Iau sip huo kanong pa gale lik tunat bia na gil ta bilbilai,
iesen ga helar ta ira maris, ma ira malahahin ma diet ing diet lon ma ra tapunuk, bia na bu bing diet.
17 Mt 7:2Git sip bia na huli ira tunotuno.
Io, i tahut bia no hunena ira uno nianga na harhuli na hanuat taar tana.
Pa ga guama bia na tar ta haraidaan.
Io, i tahut bia ira haraidaan na tapaka um tana.
18 Git se ira nianga na harhuli ta ira kaba bungbung hoing git singsigam ira kiniasine huo.
Ira nianga na harhuli git laklaka tano tamaine hoing ra taah
ma uram ta ira suruno mah hoing ra wel.
19 Nng 73:6; 109:29Io, i tahut bia kaike ra nianga na harhuli na kakarat dikdikit tana hoing ra sigasigam,
ma hoing ra taltalin mah di wis hatikane tar ie mei.
20 Ais 3:11I tahut bia kaiken ra linge na hanuat ho ira kunkulaan meram hono Watong taar ta diet ing diet tung iau,
diet at ing diet ianga sakasaka taar tagu.
21 Nng 23:3; 79:9Iesen augu, Watong Kiskis,
gil ira bilai na linge taar tagu waing daga urur taam.
Halon iau, kanong no num harmarsai i tahut.
22 Kanong warah, iau tiga maris ma a nugu mon sunupi,
ma iau manga tapunuk sakasaka.
23 Nng 102:11Iau pataam hanahaan ho ira ududuh na kasakes tano matarahien.
Di sabakane se iau ho ira kubawa.
24 Nng 35:13Ira buku na kakigu i maalum kanong iau milo.
Iau siro ma iau kangkang.
25 Nng 22:6,7Diet ing diet tung iau, diet miliguruane iau.
Ing diet nas iau, diet lawe ira ulu diet.
26 Watong, no nugu God, harahut iau.
Halon iau haruat ma no num harmarsai.
27 Hamines ta diet bia diet na nunure bia no limaam i te pakile iakan,
ma bia augu at, Watong, u te gil ie.
28 2Sml 16:11,12I tale bia diet na ianga na harhuli, iesen augu, nu haidane iau.
Ing diet na tut na hinarubu ma iau, diet na hirhir,
iesen no num tultulai na guama.
29 Nng 35:26Diet ing diet tung iau, diet na manga malahuan,
ma diet na pupulus ma ra hirhir hoing ira maal.
30 Nng 35:18Iau ni manga pirhakasing no Watong ma no hagu.
Iau ni pirlat ie nalamin tano tamat na matanaiabar,
31 Nng 16:8kanong i la tur taar tano kata na limana nong auno mon sunupi,
wara kapkap pukus no uno nilon talur diet ing diet kurei bia da bu bing ie.
109:3: Jn 15:25
109:5: Nng 35:12
109:6: Sek 3:1
109:7: Snd 28:9
109:8: Ap 1:20
109:9: KBk 22:24; Jer 18:21
109:10: Stt 4:12
109:11: Ais 1:7
109:12: Ais 9:17
109:13: Snd 10:7
109:14: KBk 20:5; Nam 14:18
109:16: Nng 37:14
109:17: Mt 7:2
109:19: Nng 73:6; 109:29
109:20: Ais 3:11
109:21: Nng 23:3; 79:9
109:23: Nng 102:11
109:24: Nng 35:13
109:25: Nng 22:6,7
109:28: 2Sml 16:11,12
109:29: Nng 35:26
109:30: Nng 35:18
109:31: Nng 16:8