11
Yowaana Omubatiisi awuuzia ni Yesu ari Meesia
(Luuk 7:18–23)
1 Ni Yesu yamala okugerera awalonzi waae ikumi ni wawiri amangʼana gano goona, yafuma ao okugia okugerera kandi okulanzia amangʼana amalootu mu emigizi egia ekitemo ekia Galiili. 2 Yowaana Omubatiisi owawanga mu owusiwe, yawurra ewintu ewia *Kristo yawanga na akola. Kutio yatuma awandi ku awalonzi waae ku iye, Math 8:1—9:34; 14:3 3 wagie wamuwuuzie otino, “Iwue ni iwue owasugananga aaze,* *Awayaudi waarindanga *Meesia Omununuzi aaze awate owuyanga okuema ku owukire owua amambala owua Awaruumi. kusi tusugaane turinde owundi?” Math 3:11–12; Yowa 1:15, 27; 3:31; 11:27 4 Yesu yawairania otino, “Muirane ku Yowaana, mugie mumulage ewintu ewia muwuriire kandi ewia muwuine: 5 Awawuunu wawona, awarema wagenda-genda, awari no owugenge walamiwua, awa amatwi maziwu wawurra, awafu waziuka, kandi amangʼana amalootu galanziziwua awataka. Isaa 35:4–6; 61:1; Luuk 4:18 6 Omuntu otairana enyima† Namba Omuntu owula no okui-ingirizia ku amangʼana gange… ku amangʼana gange asereekwe.”
Yesu agamba-gamba ku Yowaana
(Luuk 7:24–28)
7 Na awalonzi awa Yowaana waafumanga ni wagia, Yesu yatanika okugamba-gambra omurima ogwa awantu ogwawanga ao ku Yowaana na awalaga otino, “Olwa mwagia ku Yowaana mu ekeewa, ekia mwagia okuwona niki? Kusi ekituutu ekiyunziwua-yunziwua no omuyaga? 8 Ni kutari kutio, ekia mwagia eyo okuwona niki? Kusi omuntu oingizia enguwo endootu? Yaaya, awaingizia enguwo endootu-ndootu waituukrana mu emigizi egia awaami. 9 Kutio ekia mwagia okuwona niki kane? Kusi *omugambi? Ee, omugambi kandi mbalaga mbwe akirre omugambi no okukira. 10 Ono nio omuntu owajojwako kale mbwe, ‘Wona, nyiza okutuma *omutumwa wange emberi waao, orikangata emberi waao akugolorre engira.’† Mala 3:1 Luuk 1:76 11 Mbalaga kuwuene mbwe ku awantu woona awa awakazi waiwuule, awulaoko namba omulala omiire okuwaao okira Yowaana Omubatiisi. Kukawa kutio, omuntu omutono otuukre mu *Owuami owua ku igulu amukirre.
Yowaana ni Yesu walowerwe
(Luuk 7:30–35)
12 “Okuemera ku amiire aga Yowaana Omubatiisi yatanika emirimo giae nareero, Owuami owua ku igulu wumiire okuwa ni wulwaniwua no owuvuya na awantu awatinzi awagala mbwe wawutoole na amaani. 13 Aeniki Awagambi awa Katonda woona alala na amangʼana aga Muusa yajoja gagamba-gamba ku ewintu ewiazanga okuikola mu amiire goona kutuuka ku amiire aga Yowaana. 14 Kandi no oesa waganya, Yowaana nio Eliija owasugananga aaze. Mala 4:5–6; Math 17:10–13; Luuk 1:17; Yowa 1:21 15 Omuntu ori na amatwi aga okuwurra ka-awurre!
16 “Awantu awa ikula rino nyesa okuwafwanania naki katio? Kufwanana na awaana awaikaale mu ekiiyia awaogerera ni waeta awaana awiina waawu watino:
17 “Twawakubra ekituutu,
ni ngamukazina!
Twawaembera olwembo olwa olumbe,
ni ngamukarra!”
18 “Yowaana iye ngakaweerao na aria kandi na anywa. Kino kiagera ni wawoola mbwe, ‘Omuntu ono ari ne ekikeeno.’ Math 3:4; Luuk 1:15 19 No *Omuzia owa Omuntu iye aria kandi anywa, kandi okwo kugera ni wawoola mbwe, ‘Omuntu ono agonziizie okuria kandi ari omunywi. Lwona ari omwiko owa awasolozi awa *omusolo na awooni.’ No owuganga wulaganwa mu enkola ziawuo.” Math 9:10–11
Yesu asiagizia emigizi egialowa okumuganyako
(Luuk 10:13–15)
20 Nikuemao Yesu yatanika okusiagizia emigizi egia yakolamo amankono, aeniki ngawakagaluka wareka amawi gaawu.
21 “Kuriwaweera owululu inywe awantu awa Koraziini! Kuriwaweera owululu awantu awa Bethsaida! Kuweeko mbwe amankono agaakolwa agati iinyu gaakolwa mu emigizi egia Taaya ni Sidooni, kangato awaawangamo waagaluka kale, ni waingiizie enguwo ezikorre amakurugunya kandi ni wafukre igoke mu emiwiri giawu. Isaa 23:1–18; Ezek 26:1—28:26; Yoel 3:4; Amo 1:9; Yoona 3:6–9; Zaka 9:2–4 22 Mbalaga mbwe kuriweera emigizi egia Taaya ni Sidooni geeza-geezako owuire owua Katonda arikengra awantu ekiina, okukira kiomo kuriwaweera inywe! 23 Kusi inywe awantu awa Kapernaumu, muingirizia mbwe muuza okugingwa kungulu ku igulu? Yawa, muuza okuisiwua ansi mu ekialo ekia awafu! Kuweeko mbwe amankono agaakolwa agati iinyu gaakolwa mu omugizi ogwa Sodooma, kangato omugizi ogwo gukiario na nyingeeno. Isaa 14:13–15; Owut 19:24–28 24 Kutio mbalaga mbwe owuire owua Katonda arikengra awantu ekiina, kuriweera awantu awa Sodooma geeza-geezako kuwakira inywe.” Math 10:15; Luuk 10:12
Munyizeko mutuukre okuwuluuka
(Luuk 10:21–22)
25 Ku enyinga ezio, Yesu yawoola otino, “Nkutondowoole Soifu Katonda, Omwami owa igulu ne ekialo, aeniki owisiire awaganga na awasomi ewintu wino, no owisasuriire awaana awato. Isaa 29:14; 1Kori 1:18–29 26 Ee Soifu, aeniki kino nikio ekilootu ekia wasangaala nakio okukola.
27 “Soifu anteriire ewintu wiona mu amakono. Awulao omanyire Omuzia ogawuuke ni Katonda Ise, kandi awulao omanyire Katonda Ise ogawuuke no Omuzia waae alala na awantu awa Omuzia awuine okumumanyisia. Yowa 1:18; 3:35; 10:15
28 “Munyizeko inywe awantu awadoowere kandi awaigingre ne emisigo emizito, ni nyiza okuwawuluusia. Math 23:4; Yowa 7:37; Awaib 4:1–11 29 Mutoole ejooki yange muitwike ku igosi kandi muigerere ku inze, aeniki ndi omuolu kandi oiisie ansi mu omwoyo. Ni mukorre mutio, muuza okutuukra aa okuwuluusia emioyo giinyu. Isaa 28:12; Yere 6:16 30 Aeniki ejooki yange mpuuwu okuginga kandi omusigo gwange guri omuwuuwu.” 1Yow 5:3
11:2 Math 8:1—9:34; 14:3
*11:3 *Awayaudi waarindanga *Meesia Omununuzi aaze awate owuyanga okuema ku owukire owua amambala owua Awaruumi.
11:3 Math 3:11–12; Yowa 1:15, 27; 3:31; 11:27
11:5 Isaa 35:4–6; 61:1; Luuk 4:18
†11:6 Namba Omuntu owula no okui-ingirizia ku amangʼana gange…
†11:10 Mala 3:1
11:10 Luuk 1:76
11:14 Mala 4:5–6; Math 17:10–13; Luuk 1:17; Yowa 1:21
11:18 Math 3:4; Luuk 1:15
11:19 Math 9:10–11
11:21 Isaa 23:1–18; Ezek 26:1—28:26; Yoel 3:4; Amo 1:9; Yoona 3:6–9; Zaka 9:2–4
11:23 Isaa 14:13–15; Owut 19:24–28
11:24 Math 10:15; Luuk 10:12
11:25 Isaa 29:14; 1Kori 1:18–29
11:27 Yowa 1:18; 3:35; 10:15
11:28 Math 23:4; Yowa 7:37; Awaib 4:1–11
11:29 Isaa 28:12; Yere 6:16
11:30 1Yow 5:3