16
Naiꞌ Paulus ansonuꞌ haan tabes ma haan buseet neu aok-bian sin abitan Roma
1 Anbi surat reꞌ ia, au he ꞌteek ma utoon ki bi Febi ꞌeu ki, ma ꞌtoit he hi mtoup goe. In es reꞌ sin nait je he naꞌnaak neu jemaꞌat et kota Kengkrea. 2 Au ꞌtoit he hi mtoup goe nok reko, on reꞌ hit atoin asranit kit atmatoup es nok es, natuin in nmafuut nok hit Usiꞌ. In nperluu saaꞌ ate, mturun ma mbaab ee. Fin in es reꞌ anturun ma nbaab kau ma too mfaun ein naꞌko unuꞌ.
3 Haan tabes ma haan buseet neu ain Priskila* Suur Akninuꞌ uab Yunani ntui mnak, “Priska”. Priska ma Priskila naan, kanaf meseꞌ. ma in mone aam Akila. Hai minaob miit Yesus Kristus In mepu mfaun mibu-bua.✡ Haef ein sin Retaꞌ 18:2 4 Sin nua sin he noi nmaten he nafetin kau naꞌko siraak. Mes ka au ꞌmees fa reꞌ aꞌtoit makasi ꞌeu sin. Fin ka atoin Yahudis fa reꞌ njair atoin asranit naꞌko jemaꞌat anbi mee-mee, antotin makasi msaꞌ natuin sin anmoꞌen rais reko.
5 Au ꞌsonuꞌ haan tabes ma haan buseet ꞌeu too mfaun ein reꞌ nabuan ma nakrein nbin ain Priskila ma aam Akila sin umiꞌ.
Haan tabes ma haan buseet ꞌeu au partei, naiꞌ Epenetus. In reꞌ naan, tuaf ahunut reꞌ npirsai neu Kristus anbi propinsi Asia.
6 Haan tabes ma haan buseet ꞌeu bi Mia. In nmeup maꞌtaniꞌ nbi hi sonam ma hi tnaanm ein.
7 Haan tabes ma haan buseet ꞌeu aam Andronikus ma ain Yunia.† Suur Akninuꞌ uab Yunani reꞌ reko nneis ma manasik anneis antui mnak, Yunia (kaan bifee). Bian antui mnak, Yulia (kaan bifee). Anmurai naꞌko abat boꞌes am teun, bian antein antui am nak, Yunias (kaan atoniꞌ). Amnaist ein naꞌko un-unuꞌ, naan aam Andronikus ma ain Yunia naan, fee-mone reꞌ nmepun neun Uisneno on reꞌ aam Akila ma ain Priskila. Sin reꞌ naan, atoin Yahudis on reꞌ au. Sin npirsai nrarin neun Kristus oras au ka ꞌpirsai fa feꞌ. Unuꞌ te, sin nbin bui je nanan nabuan nok kau. Sin njarin Uisneno In haef ein, ma too mfaun ein nahiin sin.
8 Haan tabes ma haan buseet ꞌeu naiꞌ Ampliatus. Au ꞌneek ee, natuin in nmafuut nok hit Usiꞌ.
9 Haan tabes ma haan buseet ꞌeu naiꞌ Urbanus. In nanaob Kristus In meup goe msaꞌ nabu-bua nok kai.
Haan tabes ma haan buseet ꞌeu naiꞌ Stakis, reꞌ au ꞌneek.
10 Haan tabes ma haan buseet ꞌeu naiꞌ Apeles. In nasoin naan on naꞌko kreot. Batuur een, in npirsai nrair neu Kristus.
Haan tabes ma haan buseet ꞌeu naiꞌ Aristobulus in nonot-asar sin ok-okeꞌ.
11 Haan tabes ma haan buseet ꞌeu naiꞌ Herodian. In atoin Yahudis on reꞌ au.
Haan tabes ma haan buseet ꞌeu naiꞌ Narkisus in nonot-asar sin ok-okeꞌ reꞌ npirsai neun Kristus.
12 Haan tabes ma haan buseet ꞌeu bi Trifena ma bi Trifosa. Sin nanaob hit Usiꞌ In meup goe msaꞌ.
Haan tabes ma haan buseet ꞌeu au partei, bi Persis. Fin in imsaꞌ nmeup maꞌtaniꞌ neu hit Usiꞌ.
13 Haan tabes ma haan buseet ꞌeu naiꞌ Rufus. Hit Usiꞌ es reꞌ anpiir ma nbetis naan ee.
Haan tabes ma haan buseet ꞌeu in ainf ee msaꞌ. Fin in reꞌ naan, on reꞌ au ain honiꞌ.✡ Naiꞌ Markus 15:21
14 Haan tabes ma haan buseet ꞌeu naiꞌ Asinkritus, naiꞌ Flegon, naiꞌ Hermes, naiꞌ Patrobas, ma naiꞌ Hermas, ma aok-bian sin reꞌ natua nok sin.
15 Haan tabes ma haan buseet ꞌeu naiꞌ Filologus, biꞌ Yulia, naiꞌ Olimpas, naiꞌ Nereus ma in fetof, ma atoin asraint ein reꞌ nabuan nok sin.
16 Karu hi mibua, mseun ma mtoup es nok es ampaek rais matabes ma mmaneek anbi neek akninuꞌ reꞌ pantas neu atoin apirsait ein. Kristus In jemaaꞌt ein abitan ia, ansoun ein haan tabes ma haan buseet neu ki msaꞌ.✡ 1 Korintus 16:20, 1 Tesalonika 5:26
Naiꞌ Paulus anfaineek sin
17 Aok-bian arki! Au ꞌtoit he hi mpaant om, fin anmuiꞌ tuaf he npeꞌen ma nbatis ki, ma nakreo namouf ki. Saaꞌ reꞌ sin natoon ki naan, anraban saaꞌ reꞌ hai minoniꞌ mrair ki. Onaim kais ammapartein mok atoniꞌ human on reꞌ sin! 18 Sin ka nmepun fa neun hit Usiꞌ Yesus Kristus. Sin suma nmepun neu sin tuak ein kuuk. Sin nfeef rekon nok tuaf reꞌ ka nahiin fa feꞌ nak, mee es reꞌ reko, ma mee es reꞌ maufinu. Sin nfeef rekon he nputa-kriun.
19 Tuaf anbi bare mee-mee jah annenan nrarin am nak, hi mituin piut meu Uisneno In romin. Etun au neek ii nmariin natuin hi on naan. Au ꞌroim he hi mjair ahinit anmatoom nok rais rekon, ma kais amseor sin nok areꞌ kanan rais maufinu. 20 Uisneno es reꞌ bisa nfee kit mamut, rameꞌ es nok es, ma taininaꞌ. In of es reꞌ nareuꞌ nitu ꞌnaakf ee in kuasa, ma naruruꞌ mnak, hit es reꞌ amnisat. Naan ka ꞌroo fa goen. Au ꞌonen ma ꞌtoit he hit Usiꞌ Yesus Kristus naruruꞌ ma nakriraꞌ In nekan arekot neu ki.
21 Naiꞌ Timotius reꞌ nmeup nabu-bua nok kau, nsonuꞌ haan tabes ma haan buseet neu ki.
Naiꞌ Lukius, naiꞌ Yason, ma naiꞌ Sosipater ansonuꞌ haan tabes ma haan buseet amsaꞌ. Sin reꞌ naan, atoin Yahudis on reꞌ au.✡ Haef ein sin Retaꞌ 16:1
22 (Au reꞌ ia, naiꞌ Tertius kau, atui surat reꞌ ia, utuin saaꞌ reꞌ naiꞌ Paulus anreun he au ꞌtui. Au ꞌsonuꞌ haan tabes ma haan buseet manekat amsaꞌ, fin au reꞌ ia, hit Usiꞌ Iin ja msaꞌ.)
23 Au, naiꞌ Paulus kau, utua ꞌbi naiꞌ Gayus in umi. Atoin asraint ein biasa nabuan he nakrein nbin in umi. In nsonuꞌ haan tabes ma haan buseet neu ki msaꞌ.
Naiꞌ Erastus, reꞌ bendahara kota, ma hit aok-bian naiꞌ Kuartus, ansoun ein haan tabes ma haan buseet amsaꞌ.✡ Haef ein sin Retaꞌ 19:29, 1 Korintus 1:14, 2 Naiꞌ Timotius 4:20
24 [Au ꞌtoit he hit Usiꞌ Yesus Kristus naruruꞌ ma nakriraꞌ In nekan arekot neu ki arki. On reꞌ naan, tua!]‡ Suur Akninuꞌ uab Yunani reꞌ manasik anneis ma reꞌ reko nneis-neisi, ka ntui fa eraꞌ boꞌ nua mhaa reꞌ ia.
Uisneno naan, maꞌtaniꞌ nneis
25 Ampures ma mboꞌis Uisneno! Fin In nmuiꞌ kuasat he naꞌbeꞌib ki. In Rais Reko, nak on reꞌ naan, ma au unoniꞌ ma utoon on reꞌ naan amsaꞌ, oras au ubenoꞌ ma utoon anmatoom nok Yesus Kristus. Uisneno es anfei natoon kit areꞌ rasin naan ok-okeꞌ reꞌ nmatoom nok Kristus, reꞌ un-unuꞌ te sin ka nahiin sin fa, natuin maꞌnifaꞌ feꞌ. 26 Mes oras ia, rasin reꞌ Uisneno In mafefa kniunꞌ ein un-unuꞌ antui nain sin anbin Suur Akninuꞌ, ro mamniit ein een. Uisneno ro ka nmaet fa, In es reꞌ anꞌator he tuaf ein naꞌkon puru ma pah anfuun am nateef bisa nahiin rasi reꞌ unuꞌ te maꞌnifaꞌ. Nok ranan naan, sin bisa npirsai Je, ma sin nmoeꞌ natuin In romin. 27 Suma In nmees kuun, Uisneno. Suma In nmees kuun nahiin batuur-batuur areꞌ kanan rasi. Au ꞌait siit pures-boꞌis ꞌeu Ne, natuin Yesus Kristus In ꞌmepun! Tebes, ro namneo, tua!
Au surat antuuꞌ ma nheuꞌ on naan, tua.
Saloom,
Au naiꞌ Paulus kau, tua.
*16:3 Suur Akninuꞌ uab Yunani ntui mnak, “Priska”. Priska ma Priskila naan, kanaf meseꞌ.
†16:7 Suur Akninuꞌ uab Yunani reꞌ reko nneis ma manasik anneis antui mnak, Yunia (kaan bifee). Bian antui mnak, Yulia (kaan bifee). Anmurai naꞌko abat boꞌes am teun, bian antein antui am nak, Yunias (kaan atoniꞌ). Amnaist ein naꞌko un-unuꞌ, naan aam Andronikus ma ain Yunia naan, fee-mone reꞌ nmepun neun Uisneno on reꞌ aam Akila ma ain Priskila.
✡16:16 1 Korintus 16:20, 1 Tesalonika 5:26
✡16:21 Haef ein sin Retaꞌ 16:1
✡16:23 Haef ein sin Retaꞌ 19:29, 1 Korintus 1:14, 2 Naiꞌ Timotius 4:20
‡16:24 Suur Akninuꞌ uab Yunani reꞌ manasik anneis ma reꞌ reko nneis-neisi, ka ntui fa eraꞌ boꞌ nua mhaa reꞌ ia.