1 ሄሳፌ ጉዬ፥ ታው ዋꬋ ፃምዓ ኢሚዲ፥ «ባዳ ፆሳ ኬꬃኔ ያርሾ ቤሳ ዋꬋ፤ ያን ጎይኒያ ኣሳታካ ፓይዳ። ሂዝ 40፡3፤ ዛካ 2፡1 2 ሺን ፆሳ ኬꬃ ካሬ ዳባባይ ኣይሁዴ ጊዶና ኣሳስ ኢሜቲዳ ጊሾ ዋꬎና ኣጋጋ። ኣይሁዴ ጊዶና ኣሳይ ጌሻ ካታማ ኦይታማኔ ናምዑ ኣጌና ሃራና። ሉቃ 21፡24 3 ታኒ ካሌ ማዒዳ ታ ናምዑ ማርካታ ኪታና፤ ኤንቲ 1260 ጋላስ ቲንቢቴ ኦዳና» ያጊስ።

4 ሄ ናምዑ ማርካቲ ኣላሚያ ጎዳ ሲንꬃን ኤቂያ ናምዑ ሻማሆ ሚꬃታኔ ናምዑ ፆምፔ ዎꬂያ ኮጫታ። ዛካ 4፡3 5 ኦኒካ ኤንታ ቆሃናው ኮይኮ ኤንታ ዶናፔ ታሚ ኬዪዲ፥ ኤንታ ሞርኬታ ꬋይሴስ። ኤንታ ቆሃናው ኮያ ኦኒካ ሄሳዳ ሃይቃና። 6 ኤንቲ ቲንቢቴ ኦዲያ ዎዴ ኢሪ ቡኮና ሜላ ሳሉዋ ጎርዳናው ኤንታው ማቲ ዴዔስ። ኤንታው ሃꬄ ሱꬂ ኬሳናው፥ ቃሲ ኤንቲ ኮዪዳ ሜላ ቢታ ዱማ ዱማ ጋዶን ꬋይሳናው ኤንታው ማቲ ዴዔስ። 1ካዎ 17፡1፤ ኬሳ 7፡17

7 ኤንቲ ባንታ ማርካቴꬃ ኦንጊዳፔ ጉዬ፥ ኦላፌ ኬያ ዶዓይ ኤንታና ኦላና። ሄ ዶዓይ ኤንታ ፆናና፤ ዎꬋና። ዳኔ 7፡7፤ ዮ.ቆ 13፡5 8 ኤንታ ጎዳይ ማስቃሊያ ቦላ ካቄቲዳ ጊታ ካታማ ኦጊያ ቦላ ኤንታ ኣሃይ ዬጌታና። ሄ ካታማይ ሌሚሶን ሶዶሜ ዎይኮ ጊብፄ ጌቴቲ ፄጌቴስ። ኢሳ 1፡9 9 ቃሲ ዜሬꬂ ኡባፌ፥ ያራ ኡባፌ፥ ዱማ ዱማ ዶናፔኔ ካዎቴꬂ ኡባፌ ዪዳ ኣሳይ ኤንታ ኣሃ ሄꬑ ጋላሲኔ ባጋ ጋካናው ቤዓና። ኤንታ ኣሃይ ሞጌቶና ሜላ ኣሳይ ዲጋና። 10 ሃ ናምዑ ናቤቲ ሳዓን ዴዒያ ኣሳ ዋይሲዳ ጊሾ ኣሳይ ኤንታ ሃይቁዋን ኡፋይታና። ባንታ ኡፋይሳ ቤሳናው ኢሶይ ኢሱዋስ ኢሞታ ኢማና።

11 ሄꬑ ጋላሲኔ ባጋፌ ጉዬ፥ ዴዖ ኣያናይ ፆሳ ማታፔ ዪዲ ኤንታን ጌሊን፥ ኤንቲ ዴንዲ ኤቂዶሶና። ኤንታ ቤዒዳ ኡባይ ጊታ ያሺ ያዪዶሶና። ሂዝ 37፡10 12 ሄሳፌ ጉዬ፥ ሄ ናምዑ ናቤቲ፥ «ሃ ፑዴ ኬዪቴ» ጊያ ቃላ ሳሎፔ ሲዒዶሶና። ኤንታ ሞርኬቲ ኤንታና ቤዒሺን፥ ኤንቲ ሻራን ጌሊዲ ፑዴ ሳሎ ቢዶሶና። 2ካዎ 2፡11

13 ሄ ሳቲያን ቢታይ ዎልቃማ ቃፆ ቃፂን፥ ካታማፔ ታማንꬆ ኩሼይ ꬋይስ። ቃሲ ቢታ ቃፆን ላፑን ሙኩሉ ኣሳይ ሃይቂስ። ኣቲዳ ኣሳይ ዳሮ ኮኮሪዲ ባቢዲ፤ ሳሎ ፆሳስ ቦንቾ ኢሚዶሶና። ዮ.ቆ 6፡12፤ 16፡18

14 ናምዓንꬆ ኣዬይ ኣꬊስ፥ ሺን ሄኮ ሄꬓንꬆ ኣዬይ ኤሶን ያና።

15 ላፑንꬃ ኪታንቾይ ባ ሞይዚያ ፑኒስ። ሳሎፔ፥ «ሳዓ ካዎቴꬃይ ኑ ጎዳሲኔ ኪሪስቶሳስ ጊዲስ፤ ኢ ሜሪናፔ ሜሪና ጋካናው ሃራና» ያጊያ ዎልቃማ ቃላይ ሲዔቲስ። ኬሳ 15፡18፤ ዳኔ 2፡44፤ 7፡14 16 ያቲን፥ ፆሳ ሲንꬃን፥ ባንታ ኣራታን ኡቲዳ ላታማኔ ኦይዱ ጪማቲ ጉፋኒዲ፥ ፆሳስ ጎይኒዲ፥

19 ሳሎን ዴዒያ ፆሳ ኬꬃይ ዶዬቲስ፤ ኢያ ጊዶን ፆሳ ጫቆ ታቦቴይ ቤንቲስ። ቃሲ ዎልዓንꬂ ዎልዓሚስ፥ ዴሾይ ዴቺስ፤ ዳዲ ꬉቂስ፤ ቢቲ ቃፂስ፤ ሻቺ ቡኪስ። ዮ.ቆ 8፡5፤ 16፡18፣ 21