1 O Tupàn Tuweharupi Wiko Ma'e.

Heta tetea'u heàmàtyry'ymar wà. Hekutyr uwak ma'e heta tetea'u wà.

2 Uze'eg uzeupeupe herehe wà.

— Tupàn nupytywà kwaw tuwihawete a'e nehe, i'i nerehe uze'eg pà wà.

3 U'yw wi purumimaw upyro zauxiapekwer màno haw wi a'e wà. Nezewegatete, ne Tupàn Tuweharupi Wiko Ma'e, hepyro katu 'ymaw wi ne.

Ereityk heàmàtyry'ymar ne wà.

Hemukàg wi pe ne no.

4 — Ezur hepytywà pà nehe, a'e Tupàn Tuweharupi Wiko Ma'e pe.

Wenaw wi ywytyr ikatuahy ma'e wemimonokatu kwer wi uwazar heze'eg ihewe a'e.

5 A'aw ihe. Aker katu ihe no.

Ame'e wi heker ire, ta'e Tuweharupi Wiko Ma'e uzekaiw katu herehe a'e xe.

6 Heta tetea'u heàmàtyry'ymar wà. Nakyze kwaw wanuwi ihe.

Umàmàn heywyr herehe ipuruzuka wer pà wà.

7 Ezur nehe, Tupàn Tuweharupi Wiko Ma'e. Hepyro nehe, hezar.

Ereàmàtyry'ym heàmàtyry'ymar ne wà.

Eremuigo kar ikatu 'ym ma'e ikàg 'ym ma'e romo ne wà. Eremumaw wakàgaw no.

8 Ne ereiko waneitykar romo ne.

Emono neze'egatu teko neremiaihu wanehe nehe, o Tupàn Tuweharupi Wiko Ma'e.