1 O Tupàn, urepuhareko pe nehe. Emur neze'egatu urerehe nehe.

Eme'e urerehe nekatu haw rupi nehe.

2 Nezewe mehe ywy nànànar ukwaw putar neremiapo putar haw wà nehe.

Nepurupyro haw uzexak kar putar teko paw wanupe nehe.

3 Tuwe teko ywy nànànar umume'u nekatu haw wà nehe, o Tupàn.

Tuwe teko paw umume'u nekatu haw wà nehe.

4 Tuwe hurywete paw rupi wà nehe. Tuwe uzegar urywete haw rupi wà nehe no.

Ta'e eremume'u katu teko wanemiapo kwer ne xe.

Eremuata kar teko ywy nànànar katu haw rupi ne wà no.

5 Tuwe teko ywy nànànar umume'u nekatu haw wà nehe, o Tupàn.

Tuwe teko paw umume'u nekatu haw wà nehe.

6 Ywy umur hezuz ma'e kwer a'e.

Tupàn Zanezar umur uze'egatu zanerehe.

7 Umur uze'egatu zanerehe.

Tuwe teko ywy nànànar ukyze izuwi wà nehe.