1 Tupàn Tuweharupi Wiko Ma'e uzapo uma'e

Tawhu ywytyr imonokatu pyrer rehe a'e.

2 Uzamutar katu wera'u Zeruzarez tawhu

Amogwer tawhu Izaew ywy rehe har wanuwi upaw rupi a'e.

3 O teko tawhu Tupàn ima'e rehe har wà, ezeapyaka katu ko ma'e ikatuahy ma'e rehe nehe.

Tupàn umume'u ko ma'e nerehe a'e.

4 — Aze teko amo ywy rehe har hereruzar wà nehe, amuapyk putar a'e ywy her hepape rehe amogwer tawhu ikatu ma'e waner wanehe we ihe nehe.

Na'aw waner heremimuapyk ràm xe wà kury: Ezit, Mawiron.

Teko Piri ywy rehe har wà, Xir tawhu pe har wà no, Exio ywy rehe har wà no, wiko putar ikatu ma'e romo herenataromo wà nehe.

Areko katu putar a'e teko paw Zeruzarez pe ihe wà nehe, uzexak ma'e kwer ài ihe wà nehe, i'i Tupàn.

5 Nezewe teko uze'eg putar Zeruzarez rehe wà nehe. — Teko paw wiko a'e pe wiko ma'e kwer romo a'e wà, i'i putar wà nehe.

— Tupàn Ywate Wera'u Har uzapo putar a'e tawhu a'e nehe, tawhu ikàg ma'e romo a'e nehe.

6 Tupàn Tuweharupi Wiko Ma'e umuapyk putar teko waner pape rehe wà nehe.

Upaw rupi wiko putar Zeruzarez pe har romo wà nehe.

7 A'e pe wiko ma'e upynyk putar nezewe uzegar pà wà nehe.

— Ereiko Zanemurywete kar har romo, Zeruzarez, i'i putar wà nehe.