1 Pemuzàg zegar haw Tupàn Tuweharupi Wiko Ma'e pe nehe,

Ywy nànànar wà.

2 Pemuwete katu Tupàn Tuweharupi Wiko Ma'e penurywete haw rupi nehe.

Pezegar pezuwà henataromo nehe.

3 Pema'enukwaw Tuweharupi Wiko Ma'e rehe nehe, Zanezar romo heko haw rehe nehe.

Zaneapo a'e. Zanezar romo hekon.

Zaiko hemiaihu romo. Zaiko àràpuhàràn hemimono'og ài. Wiko zanemono'ogar ài a'e.

4 Peixe tàpuzuhu hukenaw wanupi Tupàn hemimur kwer ikatu haw imume'u pà nehe.

Peixe tàpuzuhu izywyr katu haw rehe ikatu haw imume'u pà nehe.

Pemume'u Tupàn ikatu haw nehe. Pemume'u hemimur kwer ikatu haw izupe nehe no.

5 Tupàn Tuweharupi Wiko Ma'e ikatuahy a'e.

Ipuruamutar katu haw nupaw pixik kwaw nehe.

Nutyryk pixik kwaw puruwi nehe.