1 Pemume'u Tupàn Tuweharupi Wiko Ma'e ikatu haw izupe nehe. Ta'e ikatu a'e xe.

Ipuruamutar katu haw nupaw pixik kwaw nehe.

2 Ikàg wera'u amogwer tupàn wanuwi a'e. Pemume'u ikatu haw izupe nehe.

Ipuruamutar katu haw nupaw pixik kwaw nehe.

3 Ikàg wera'u amogwer teko wazar wanuwi no. Pemume'u ikatu haw izupe nehe.

Ipuruamutar katu haw nupaw pixik kwaw nehe.

4 Xo Tuweharupi Wiko Ma'e zo uzapo purumupytuhegatu kar haw a'e.

Ipuruamutar katu haw nupaw pixik kwaw nehe.

5 Uma'ekwaw katu haw rupi uzapo ywak kwehe mehe a'e.

Ipuruamutar katu haw nupaw pixik kwaw nehe.

6 Tupàn umuapyk ywy 'y typya'u ma'e i'aromo a'e.

Ipuruamutar katu haw nupaw pixik kwaw nehe.

7 Uzapo kwarahy. Zahy uzapo no.

Ipuruamutar katu haw nupaw pixik kwaw nehe.

8 Umuigo kar kwarahy 'ar rehe uhyape katu ma'e romo.

Ipuruamutar katu haw nupaw pixik kwaw nehe.

9 Umuigo kar zahy pytunaw rehe uhyape katu ma'e romo zahytata wanehe we a'e no.

Ipuruamutar katu haw nupaw pixik kwaw nehe.

10 Ezit ywy rehe har wanàpuz nànàn Tupàn uzuka ta'yr ipy a'e wà.

Ipuruamutar katu haw nupaw pixik kwaw nehe.

11 Umuhem kar teko Izaew izuapyapyr waneruwà Ezit ywy wi wà.

Ipuruamutar katu haw nupaw pixik kwaw nehe.

12 Upyro a'e wi opo ikàg ma'e pupe uzywa upuner ma'e pupe wà.

Ipuruamutar katu haw nupaw pixik kwaw nehe.

13 Umuza'aza'ak Yryhupiràg mokoz pehegwer romo a'e.

Ipuruamutar katu haw nupaw pixik kwaw nehe.

14 Umuata kar teko Izaew waneraha yryhu myteromo wà.

Ipuruamutar katu haw nupaw pixik kwaw nehe.

15 A'e pe yryhu pupe uzeapypyk Ezit ywy rehe har wanuwihawete a'e. Hemiruze'eg zauxiapekwer paw uzeapypyk wà no.

Ipuruamutar katu haw nupaw pixik kwaw nehe.

16 Tupàn wexak kar waho àwàm wemiaihu wanupe ywyxiguhu rehe.

Ipuruamutar katu haw nupaw pixik kwaw nehe.

17 Uzuka tuwihawete ikàg ma'e wà.

Ipuruamutar katu haw nupaw pixik kwaw nehe.

18 Uzuka tuwihawete ikwaw katu pyr wà no.

Ipuruamutar katu haw nupaw pixik kwaw nehe.

19 Uzuka Xeom Amohe ywy rehe har wanuwihawete.

Ipuruamutar katu haw nupaw pixik kwaw nehe.

20 Uzuka Og Màxà izuapyapyr wanuwihawete.

Ipuruamutar katu haw nupaw pixik kwaw nehe.

21 Omono a'e tuwihawete waywy wemiaihu wanupe.

Ipuruamutar katu haw nupaw pixik kwaw nehe.

22 Omono a'e ywy a'e, wemiruze'eg Izaew izuapyapyr wanupe a'e.

Ipuruamutar katu haw nupaw pixik kwaw nehe.

23 Amo tuwihawete zanereityk a'e wà. Tupàn naheharaz kwaw zanewi a'e mehe a'e.

Ipuruamutar katu haw nupaw pixik kwaw nehe.

24 Zanepyro zaneàmàtyry'ymar wanuwi.

Ipuruamutar katu haw nupaw pixik kwaw nehe.

25 Omono temi'u teko wanupe. Opoz ma'ea'yr wà. Opoz miar wà no.

Ipuruamutar katu haw nupaw pixik kwaw nehe.

26 Pemume'u Tupàn ywak rehe har ikatu haw izupe nehe.

Ipuruamutar katu haw nupaw pixik kwaw nehe.