1 Ga bitjana liŋgu walala ŋuli yolŋu'‐yulŋunydja yukurranha morrumurru'na dhikana, bala ŋayi Garrayyunydja ŋäkulana walalanha, bala ŋaramurryinana, bala dhunupana ŋayi yänguŋalanydja gurthana djiwarr'ŋuruna, bala nhäranana ŋunhi wäŋanydja. 2 Bala walala ŋunhi yolŋu'‐yulŋunydja gawaw'yurruna waŋana yatjurruna * MosesMawtjitjkalana bitjarra, “Guŋga'yurra ŋanapurrunha, guŋga'yurra,” bitjarrana. Bala ŋayi Mawtjitjthu dhunupa yana bukumirriyaŋalana Garraywala, bala ŋayi gurthanydja rirriwulyinana. 3 Bala ŋayi Mawtjitjthu yäku‐nherrara wäŋanydja ŋunhiyi Nhäranharana.

4 Ga biyapul ŋunhi yolŋu'‐yulŋunydja morrumurru' marrtjina waŋanhamina bala‐lili'yunmina bitjarra ŋuyulkthinana manapara, liŋgu walala yukurrana djälthina gatjpu'yurrunanydja yana wäyingu warray ḻukanharawu. “Way, wäyingu muka ŋanapurrunydja djäl dhuwala ḻukanharawu. 5 Liŋgu ŋunhalanydja ŋunhi † EgyptYetjiptja wäŋaŋura ŋanapurru yukurrana guḻku' warray ḻukana guya dhika nhä, rrupiyamiriw warray, nhämiriw warray. Ga bitjanayi liŋgu ŋanapurru ŋuli ḻukanha dhapirrkmirri warray borumdja muḻkurr, birrka'mirri warray. 6 Bala dhuwalana gay' ŋanapurru yulŋunydja yalŋgi'mirrina. Nhäna ŋanapurru yurru dhika ḻukanydja? Märr‐yawaryunna ŋanapurru marrtji dhuwala dhiyaŋinydjayi manayunydja ŋathayu. Nhäku warray ŋilimurru yurru yukurra bitjandja liŋgu ḻuka dhuwalayinydja?” Bitjarrayi walala ŋunhi morrumurruny'tja yukurrana.

7-9 Yo, bitjana liŋgu munhakunydja ŋuli ŋunhi wäŋanydja warrpam'nha monygunha ŋuriŋi ŋathayu malaŋuyu, ŋunhi ŋayi ŋuli wakuluŋgul'mirriyinya wäŋa, ga balanyarana ŋunhi yulŋunydja bitjan maŋutji ŋatha gaywaraŋu', yumurrku'. Ga goḏarr'mirrinydja djaḏaw'yuna ŋuli, bala walala ŋuli yolŋu'‐yulŋuyu djoṉgunhana marrtjinya, bala bitjanana ŋuli djäma yarrwa'yunana dämbakunhana, ga dhäkaynydja ŋunhiyi ŋatha bitjan dämbana weyika'mirrina.

10 Ga ŋunhiliyi dhurrwaraŋura malaŋuŋura buṉbuŋura yolŋu walala marrtjinya ŋuli dhärranha, waŋanha marrtjinya ŋuli morrumurru' ŋurikiyyi ŋathawuy. Ga ŋayinydja ŋunhi Mawtjitjthunydja ŋäkula walalanha, bala ŋayi galŋa‐yätjthinana, liŋgu ŋayi Garraynydja ŋunhi bitjarra yana liŋgu ŋaramurryina ŋurikiyi yolŋu'‐yulŋuwu.

11 Bala ŋayi Mawtjitjtja waŋana Garraywala bitjarrana, “Nhäku warray nhe yukurra djäma yätjkumanydja ŋarranha? Yaka nhe dhuwala ḏukṯuktja ŋarraku? Mak ŋarra bäy ŋayaŋu‐yätjkuŋala wiripunydja nhuna. Nhäkuna ŋarra yurru gäma dhuwalayi yolŋu'‐yulŋunhanydja bitjan liŋgu? 12 Yaka ŋarra walalanha djäma, ga yaka walala ŋarraku yumurrku'. Nhäku warray nhe djarr'yurruna dhiyakuyinydja? . . . ŋunhi ŋarra yurru walalanha gäma yukurra dhangi'yun, bitjandja bitjan ŋuli miyalkthu wekama nhanŋuway yothu'nha ŋaminiyu? 13 Bitjanna liŋguna walala yukurra dhuwala morrumurruny'tja djälthirri wäyingunydja. Wanhaŋuruna dhika ŋarranydja yurru maḻŋ'marama wäyin maranhu‐wekanharawu dhiyakuyi yolŋu'‐yulŋuwunydja? 14 Ŋonuŋnha dhuwala yulŋunydja, yakana ŋarra yurru gäma dhuwala yolŋu'‐yulŋunha gänanydja ŋarrapinydja. 15 Garray, wuyurra ŋarraku. Go buŋana ŋarranha; yakana ŋarra djäl ŋarra yurru nhina galŋa‐yätjthirri biyapulnydja.”

16 Bala ŋayi Garray waŋana Mawtjitjkala bitjarrana, “Ḻiw'maraŋa waŋiya marrtjiya yolŋu'‐yulŋunha 70‐nha ŋurru'‐ŋurruŋunha, ŋunhinha walalanha yolŋu'‐yulŋunha ḏarramuwurrunha ŋunhi nhe yukurra märr‐yuwalkthirri walalanha. Gäŋanydja walalanha lili dhipala Buṉbulili Withiyanminyarawuylili, bala walala yurru dhärranydja yukurra dhiyalana gay' ŋarrakalana gumurrŋura. 17 Ŋarranydja yurru yarrupthunna lili, ga nhinana ŋarra yurru nhumalaŋgala. Ŋarra yurru märrama ŋunhinydja walŋa ŋunhi ŋarra nherrara nhokala ŋäthili, bala ŋarra yurru nherra'‐nhirraṉ ŋurikalana walalaŋgala ŋurru'‐ŋurruŋuwalana, märr yurru walala gurrukamana yukurra, rrambaŋina nhumana; yakana nhe yurru yukurra nhepinydja gäma. 18 Gatjuy ḻakaraŋanydja walalambala yolŋu'‐yulŋuwanydja biyakana, ‘Ḏarrtjalkkunhamiya nhumalanhay nhuma yulŋunydja, liŋgu goḏarrny'tja boŋguŋunydja nhuma ḻuki yukirri wäyinnha. Liŋgu ŋayi Garrayyunydja ŋäkulana nhumalanha morrumurru'wuynydja, bala ŋayi yurru yana wekamana nhumalaŋgu Garrayyu wäyindja ḻukanharawunydja. 19-20 Ḻukanydja nhuma yurru yukurra ŋunhiyi wäyindja waŋgany ŋaḻindi ŋupan, yana liŋgu ga märr‐yawaryun nhuma yurru djawaryun ŋuriŋi ḻukanharayu. Bala nhuma yurru rirrikthunmirrina ŋuriŋiyi wäyindhunydja, liŋgu ŋapa‐wekaŋala nhuma dhuwala Garraywu. Nhäku warray nhuma yurru roŋiyirri balayi be Yetjiplilinydja?’ ” Ga bitjarra ŋayi ŋunhi Garray waŋananydja.

21 Ga ŋayi Mawtjitjtja buku‐ḏuwaṯthurruna waŋana bitjarra, “Garray, mirithirrina dhuwala guḻku'na miṯtjinydja, ŋula nhämunha'na yolŋunydja walala dhaŋaŋnha. Wanhaŋuruna dhika ŋarra yurru märrama wäyindja maranhu‐wekanharawunydja walalaŋgu? 22 Ŋunhi ŋarra yurru wutthun bulikiny'tja bukmakkuma, ŋunhiyinydja yaka yana gana' walalaŋgu, ga ŋuli ŋarra yurru märrama guya ŋulaŋuru gapuŋuru moṉukŋuru, ŋunhiyinydja yaka yana gana'.”

23 Ga ŋayi Garraynydja waŋana nhanukala Mawtjitjkala bitjarra, “Nhä dhika ŋarranydja? . . . ganydjarrmiriw? . . . yalŋgi? Nhä dhika ŋarraku dhäruktja? . . . yuwalk? . . . bay' nhä? Galkina nhe yurru nhämana, walala yurru yukurra ḻukana ŋunhiyi wäyindja.”

24 Bala ŋayi Mawtjitjtja gawaw'yurrunana ḻuŋ'maraŋalana ŋunhiyi 70‐nydja ŋaḻapaḻmirrinha, bala walala ḻuŋ'thurrunana marrtjina ŋunhiwalayina Garraywalana buṉbulili. 25 Bala ŋayi Garraynydja marrtjinana yukurrana dhunarranana waŋupini'kurruna, bala waŋanana yukurrana Mawtjitjkalanydja. Bala ŋayi djaw'yurrunana märraŋalana ŋunhiyi walŋanydja ŋunhi ŋayi Garrayyu nherrara ŋäthili nhanukala Mawtjitjkala, bala nherra'‐nhirrara ŋurikalayina walalaŋgala waŋga'‐waŋganygalana ḏarramuwurruŋgala, ga dhunupana yana ŋunhiyinydja walala waŋanana marrtjina djawarrkthurrunana. 26 Ga märrmany'tja ŋunhiyi yolŋu maṉḏa ŋurruŋu maṉḏa nhinana yukurrana ŋunhili bäyma maṉḏakalay maṉḏa buṉbuŋura, yaka maṉḏa marrtjina balayi ŋunhimala buṉbulili, yurru nhanŋunydja Godkunydja walŋa bitjarra yana liŋgu marrtjina maṉḏakala, bala nhinanana, ga maṉḏanydja bitjarra yana liŋgu djawarrkthurruna marrtjina waŋana Godku dhäruk, goramiriwnha maṉḏa yana.

27 Ga ŋayi waŋgany ḏarramu yuṯa waṉḏina, bala ḻakaraŋala Mawtjitjkala bitjarra, “Way, ŋunha wäŋaŋura märrma' yolŋu maṉḏa waŋa marrtji djawarrkthun.” 28 Ga ŋayi ‡ JoshuaDjatjuwanydja waŋana Mawtjitjkala bitjarra, “Way, ḏaḏawmaraŋana maṉḏanha.”

29 Ga ŋayi Mawtjitjtja buku‐wakmaraŋala nhanŋu, “Nhäku warray?” bitjarra. “Mak nhe maṉḏanha guyaŋina yanapi maṉḏa wapthurruna ŋunha ŋarrakala dharapulŋura? Ŋarranydja ḏukṯuk ŋayi yurru Garrayyu nherra'‐nhirraṉ nhanŋuwaynydja ŋayi walŋa bukmakkala yana yolŋuwala walalaŋgala, märr yurru walala bukmak yana yukurra waŋanydja Godkala ŋuriŋi dhärukthu ganydjarrmirriyunydja.” Bala walala Mawtjitj ga wiripu‐guḻku' ŋunhi ŋurru'‐ŋurruŋu wäŋgaŋala balayina.

31 Ga ŋuliŋurunydja dhurrwaraŋuru ŋayi Garrayyu watana djuy'yurruna, bala ŋayi ŋuriŋi watayunydja bo'yurruna gäŋala biyapulnha dhaŋaŋnha bäymana wäyin djirikitjtja. Marrtjinanydja walala ŋunhi, bala nhinanana marrtjina, warrpam'nha gungaŋalana ŋunhiyi wäŋanydja, ga bukmak ḻiw'maraŋala wäŋa ŋunhi dhaŋaŋdhina ŋuriŋi wäyindhuna. 32 Ga ŋuriŋi yolŋu'‐yulŋuyu yukurrana djämanydja walu‐ŋupara ga munha‐ŋupara, wapmaraŋala yukurrana ŋunhiyi wäyindja malanha, bala ḻithanmaraŋala marrtjina ŋunhi wäyindja walulilina. 33 Ga ḻukananydja walala marrtjina bitjarrana liŋgu walu‐ŋupara‐a‐a, guḻku'na mirithinana ŋanak, yurru mukthurrunana walala yukurrana morrumurru' yulŋunydja Garraynha. Bala ŋayi Garraynydja ŋaramurryinana walalaŋgu biyapul, ga guḻku'na yolŋu walala marrtjina murrmurryurruna rerriyunydja.

34 Yo, ŋunhiliyi walala yukurrana dhalkaraŋalanydja guḻku'nhana mirithirrina yolŋu'‐yulŋunhanydja ŋunhi walala yukurrana ḏukṯuk‐ḏumurruyina ḻukanharawu wäyingu ŋurikiyi. Bala walala gitthurrunana ŋuliŋuruyinydjayi wäŋaŋuru, bala nhinana yukurrana wiripuŋurana wäŋaŋura.