93
Godtja dhuwala ŋurruŋuna wal'ŋu ŋayinydja
93:1–5 (God is King)
1 Yo, Garraynydja dhuwala buŋgawa ŋayi gal'ŋu,
ŋunha nhinanydja ŋayi yukurra girri'yunydja dhaṯthunminyara dhika dhapirrkmirriyu, ḻatju'yu dhika wal'ŋu;
Nhinanydja ŋayi yukurra ŋunha ŋuriŋi ganydjarryu, ganydjarr‐ḏumurruyu wal'ŋu dhika giṯthunamiriwyu.
Ŋayi ŋunhi Garrayyu djämanydja dhuwala wäŋanha munatha'nhanydja,
ga nherraranydja ŋayi giṯmaranhamiriw yana gal'ŋu,
yakana ŋayi yurru giṯthun bala ga lili bitjan.
2 Garray, beŋuru liŋgu ŋurruŋuru nhe yukurrana nhinananydja buŋgawa wal'ŋu, ŋurruŋu nhe,
ga bitjan liŋgu walŋa yana nhe yulŋunydja.
3 Ŋunha gapu moṉuktja ganydjarr‐ḏumurru wal'ŋu,
ga ŋunha dhaḻawan yukurra galkirri ŋunha munatha'lili be rirrakayyu wal'ŋu bathalayu ŋanya.
4 Yurru Garraynydja wal'ŋu biyapul warray, be‐wala ŋurikalayinydjayi gapuwalanydja;
Ŋuriŋi nhanukalanydja ganydjarryu bitjan ŋayi yukurra gäma dhuwala munatha'nha wäŋanha warrpam'thun yana,
ŋayinydja biyapul gal'ŋu ganydjarr‐ḏumurru ŋayi ŋurikalanydja be bathala‐wala ḏowuwalanydja.
5 Yo, Garrayyunydja nherrara ŋunhi romdja, ŋunhi ŋayi yurru dhärra yukurra yana mukthun, djambimiriw nhämiriw.
Garray, nhuŋunydja ŋunhi wäŋa biyapul warray wal'ŋu dhuyu, ḏarrtjalk warray,
ganaŋ'thun yukurra ŋuliŋuru yätjkalanydja,
bitjanna liŋguna dhärra yurru yukurra gupaḏalnha‐wala.