1  ✡ Jn 12:38Se kilès ki te kwè mesaj nou yo?

Epi a kilès bra SENYÈ a te vin revele?

2 Paske Li te grandi devan nou kon yon ✡ És 11:1boujon vèt,

e tankou yon rasin ki sòti nan tè sèk.

Li pa gen okenn bèlte nan fòm Li,

ni majeste pou nou ta gade sou Li,

ni aparans pou nou ta atire a Li.

3 Li te meprize e abandone pa lòm;

yon nonm ak gwo tristès

ki te konnen gwo soufrans,

ak tout maladi.

Tankou yon moun de sila moun kache figi yo,

Li te vin ✡ Mc 10:33meprize,

e nou pa t bay Li okenn valè.

4 Anverite, se doulè nou yo Li te ✡ Mat 8:17pote

ak soufrans nou yo Li te chaje sou do L;

men nou te rekonèt Li kon moun pini,

frape pa Bondye e aflije.

5 Men Li te frennen, pèse nèt pou peche nou yo.

Li te kraze pou ✡ I Pi 2:24-25inikite nou yo.

Chatiman ki fè nou gen lapè a te tonbe sou Li,

e se pa blesi Li yo, nou te jwenn gerizon.

6 Nou tout kon mouton, te pèdi chemen nou yo.

Nou chak te antre nan pwòp chemen pa nou,

men SENYÈ a te fè inikite a nou tout tonbe sou Li.

7 Li te vin oprime e aflije;

malgre sa, Li pa t ouvri bouch Li.

✡ Trav 8:32-33Tankou yon jèn mouton ki t ap mennen labatwa,

e tankou yon mouton ki rete an silans devan sila

k ap taye lenn li yo,

konsa Li pa t ouvri bouch Li.

8 Avèk opresyon avèk jijman Li te retire nèt.

Selon jenerasyon Li,

yo te konsidere Li te koupe retire nèt nan peyi a vivan yo,

ke Li te kraze ✡ És 55:5-12 akoz peche a pèp Mwen yo.

9 Tonbo pa L te pataje pami moun mechan yo,

men se avèk yon nonm rich Li te ye nan lanmò Li,

malgre Li pa t fè okenn vyolans,

ni pa t gen okenn desepsyon nan bouch Li.

10 Men SENYÈ a te kontan ✡ És 53:5brize Li;

pou mete Li nan gwo soufrans,

pou L ta rann Li menm kon yon ofrann koupabilite,

pou L ta wè desandan Li yo.

Li va pwolonje jou Li yo,

e bon plezi SENYÈ a va reyisi nan men Li.

11 Apre gwo doulè nanm Li an,

Li va ✡ Jn 10:14-18wè limyè a,

e Li va satisfè.

Sèvitè Ladwati Mwen an va jistifye anpil moun

akoz konnesans Li anvè Li menm;

e Li va pote inikite yo.

12 Konsa, Mwen va bay Li yon pòsyon ak gwo moun yo.

Li va divize piyaj ak moun pwisan yo,

akoz Li te livre ✡ Mat 26:38-42nanm Li menm a lanmò,

e Li te konte avèk malfektè yo;

malgre Li te pote peche a anpil moun,

e te entèsede pou koupab yo.