1 Answit, mwen te wè yon zanj ki t ap desann sòti nan syèl la, ki te gen ✡ Rev 1:18kle abim nan ak yon gwo chèn nan men l.

2 Li te pran ✡ Jen 3:1dragon an, sèpan ansyen an, ki se dyab la, Satan, e li te mare li pou mil ane. 3 Li te jete li nan labim. Li te fèmen li e te ✡ Dan 6:17mete so li sou li, pou li pa t kab twonpe nasyon yo ankò, jiskaske mil ane yo fini. Apre bagay sa yo, li oblije vin lage pou yon ti tan.

4 Answit mwen te wè ✡ Dan 7:9twòn yo ✡ Mat 19:28ak sa yo ki te chita sou yo. Konsa, jijman te vin bay a yo menm. Mwen te wè nanm a sila ki te dekapite akoz temwayaj a Jésus yo, e akoz pawòl Bondye a: Sila ki pa t adore bèt la oubyen imaj li a, e ki pa t resevwa mak la sou fon yo ak men yo. Sila yo te vin retounen a lavi pou renye avèk Kris pandan mil ane.

5 Rès mò yo pa t retounen a lavi jiskaske mil ane yo fini. ✡ Luc 14:14Sa se premye rezirèksyon an. 6  ✡ Rev 14:13Beni e sen se sila ki gen yon pati nan premye rezirèksyon an. Sou sila yo, dezyèm lanmò a pa gen pouvwa, men yo va touprè a Bondye e a Kris, e va renye avèk Li pandan mil ane yo.

7 Lè mil ane yo vin fini, Satan va ✡ Rev 20:2lage soti nan prizon li an, 8 epi li va soti pou twonpe nasyon ki nan kat kwen latè yo, ✡ Éz 38:2Gog avèk Magog, pou rasanble yo ansanm pou lagè a. An kantite, yo va tankou sab ki bò lanmè. 9 Yo te ✡ Rev 17:1 monte vini sou gwo sifas latè a, e te antoure kan a sen yo ak vil byeneme a. Konsa, ✡ Rev 19:7dife te desann sòti nan syèl la, e te devore yo.

10 Epi dyab la ki te twonpe yo a te jete nan ✡ Rev 19:20lak dife ak souf la, kote ✡ Rev 16:13bèt la ak fo pwofèt la ye tou. Yo va toumante lajounen kon lannwit, pou tout tan e pou tout tan.

11 Konsa, mwen te wè yon gwo twòn blan, ak Sila ki te chita sou li a. De prezans Li, tè a ak syèl la te sove ale. ✡ Dan 2:35Pa t gen plas pou yo.

12 Mwen te wè mò yo, ✡ Rev 11:13gran kon piti, vin kanpe devan twòn nan. Yo te ouvri liv yo. Epi yon lòt liv te ouvri, ki se liv lavi a, e mò yo te jije selon bagay ki te ekri nan liv yo, selon zèv yo. 13 Lanmè a te bay mò ki te ladann yo. Lanmò ak sejou lanmò yo te ✡ És 26:19bay mò ki te ladann yo. Yo te vin jije, yo chak selon zèv pa yo.

14 Answit, lanmò ak sejou lanmò yo te jete nan lak dife a. Sa se ✡ Rev 20:6dezyèm lanmò a, lak dife a.

15 Si non a nenpòt moun pa t twouve ekri nan ✡ Rev 3:5liv lavi a, li te jete nan lak dife a.