10
God Nange Evetu Genembo Inonoda Ijujaetira, Ainda Benunuri.
1 Arie Bajari, ni redae soka beká fefeteresi?
Namane dara itatameraera da sifoda, ni redae tofo jungeraesi?
2 Ari ekoko embo gogore use, evetu genembo vagho fitiraera aminga ava use,
makasi embo nenda derariimi sandido, nemokena mema erefutera.
3 Ari ekoko embo amo, ne oduso use, dighighi eraera, aindae totofo sakai seraera.
Dighighi kakato amo, Bajari dae jijivu sise, numokena gukai muturaira.
4 Ari ekoko embo nenda gogoreimi misurugururari, Bajari dae jo igheghi ae eraera,
Ne gogore use, God iraeva seraera.
5 Ari ekoko embo roera reju eraera, ainda beká isambu siroreraira.
God evetu genembo nange ijujeraera ava jo kasama ae use, kokomanekena dere jiraera.
6 Ne totofo koteraera, “Namane jo nanjigo gofae arera.
Namane sifo ghousa ivuga use irarera, dara á itako jo foa namane bae arira.”
7 Nenda sarida mo, simbora ari, gungubo sari, kotugo katiyavara ari aimi bedo edo irira.
Ne rea seraera aimi, dara bu foa gheraira.
8 Ne reighi tinguda jungedo iritirise,
dara tefo embo ava daoro amboro dae kaifa gigita eraera.
Ne mavejoá ufena daoro ambarera ava kato eraera.
9 Ne raiyoni (lion) da kaugo ava use, jungedo kato use kaifa eraera.
Ne junge kato urureoro makasi embo foa,
nenda vaghoda teterurureoro, sandi bu jumbu ya gheraera.
10 Nene, evetu genembo gogofegari ava sandeoro, du de sirivo e fafaseoro
nenda fakina dadaberaira.
11 Ne totofo koteraera, “Namonde rea eraera ava, God jo kotae ari ava,” seraera.
“Nu diti gajedo itako jo gae eraira.”
12 Arie Bajari, ari ekoko embo oindae mema mutu!
Arie God, mave mema eretafera ava kotaetesi!
13 Ari ekoko embo nange nange kotise, God ighagha use,
eminge seraeri, “Namokena mema jo mutae arira.”
14 Avata geka bekári: God, nene dara rea eraera,
kotugo mema muturaera ava isambu ni gido, ainda mino mutari koteraesa.
Evetu genembo gogofegari ne totofo ninda ungoda fitiraera. Sasingu babate ainda sonemba kato nimori.
15 Evetu genemboá ari ekoko eraera, ainda
fakina ava de bejedo,
nenda kosasa ainda mino ava futururaso, sirivo aore!
16 Bajari mo, kini edo evovodae irira.
Evetu genembo god mendeni tumonderaera ava, nune sari,
nunda reighi do dumbarera.
17 Arie, Bajari, ni gogofegari da benunu ava jave ningiraesa.
Nenda sorara ningido nine ne sonembedo, fakina futuse eghovo deraesa.
18 Ari ekoko embo ava, nene katiyavara edo
ghusera ava doyorodae sise,
ni bate bagha a sabua da sorara ningido sonemberaesa.