1  Zhe 51.13Nə́ ndɛɛ́, *wəéŋgəles zaŋgbá bwə́ á bə nə ikwɔ̂w zaŋgbá wá, ŋgwûd a cínɔŋg mú zə cɨ nə mə nə́: «Zaá, mə zə́g lwó wo intʉ́gʉ́lí í bá bii mbyóóŋg múdá í á mə́ kwambʉlə jiya mpə́dʉ́gá mishwû nɨ yí. 2  14.8; 17.18; 18.3; Zhe 51.7; Nah 3.4Nyə́dɨ́ wə́ mícî myâ shí mí á wusə mənyúul jaŋga dɨ́ yɛ́; buud ɔ shí bwə́ á fudə nə jaŋga dɛ́ nda bwə́ dʉ fudə nə məlwəg nə́.»

3  biin: 13.1-2Eŋgəles ɛ́nɛ mú kə nə *jîm jâm nyúl shí a shwééshád. Mə mú dʉ́g ŋgwɔ́l múdá njúl gúl biin dɨ̂, biin í njúl tɨ́tɨɨ̂ nda kɔ̧ɔ̧́. Biin nɨ í á bə nə mínə́ mə́ *bwaasʉ́lə mpu cilyá nyúul nyɛ̂sh, nyə nə milúú zaŋgbá nə məlaag wûm. 4  18.3, 16; Zhe 51.7; Eze 28.13Mudá wɔɔŋgʉ́ mimbwéédí myɛ́ mí á bə, míl tɨ́ nda məcií, míl tɨ́ nda kɔ̧ɔ̧́. Nyə á bə nə misáŋgá nə oŋkaaw bwə́ njúl sɨ́yá nə or, nə ijimə́ í mə́kwóógʉ́, bɔ́ɔ́lʉ́gá sɨ́yá nə kwóógʉ́ álal-kus bwə́ dʉ jɔ̂w nə́ pɛ̂rlə yí. Nyə á bə nə bálá mbwə́d, í njúl nə́mə́ sɨ́yá nə or, í njúl lwándʉ́lá nə nyɛɛ́ á lwaagʉwo lwaagʉwo ísâ í jaŋga dɛ́. 5  Zhe 2.20; Ozê 1.2Dúl jínə́ lʉ́ *ndímba í á bə nyə cilyá mpwóómbʉ́d nə́:

6  16.6Mə mú dʉ́g múdá wɔɔŋg nə fud nda fud mə́lwəg. Í á bə nyə fud nə́ nyə á ŋgul mə́cií mə́ míŋkɛ̧́ŋkɛ̧̂ mi búúd nə məcií mə búúd bwə́ á gwúyɔw nəcé Yésus wá.

Mə a jag bul káam ja mə́ á dʉ́g nyə yí. 7  13.1-2Eŋgəles mú cɨ nə mə nə́: «Wo káám jɨ́ na? Mə é bágʉlə wo ndímba mə múdá ɛ́nɛ, tɔɔ ndímba mə́ biin í ŋgə́ ŋkɛ̂ny nyə nɨ, biin jɨ́ nə milúú zaŋgbá nə məlaag wûm nɨ.

8  13.3 kálaad: 3.5«Biin wó ámə dʉ́g nɨ í á shí bə, í cúgɛ́ ná. Í bá bád wú bɨ́ ncímə dɨ́ kə kʉ́l í bá kə jɛ̧ɛ̧ yí. Nə́ ndɛɛ́, buud ɔ shí bwə́ bá káam ja bwə́ bá nyiŋgə dʉ́g biin nɨ yí, bwə́ bá káam nəcé í á shí bə, í cúgɛ́ ná, njɨ í bá nyiŋgə nyîn. Buud ɔ shí bwə́ bá káam ɔ́nɨ, í bá bə bɔɔŋg mínə́ mə́ cúgɛ́ mícilyá kálaad dɨ wá; nəcé tɛ́ɛ́d nə́mə́ ja Zɛmbî nyə a fwɔ̧ shí nə gwɔ́w yí, mínə́ mə́ bwey bə mícilyá kálaad á cʉg dɨ̂.

9  13.18«Í jɨɨ wa nə́ muud wámbʉ́lə́g isâ nə fʉg. Milúú zaŋgbá wó dʉ́g mínɨ, jísə mimbʉ́ŋ zaŋgbá kʉ́l múdá ɛ́nɛ mə́ kə ji yí; jísə nə́mə́ mícî zaŋgbá. 10 Mícî zaŋgbá myɔɔŋg dɨ́, mítɔ́ɔn mí cúgɛ́ ná mícî, ŋgwûd wusə, ŋgwûd í afwóyɛ́ zə. Ja wâŋ í bá zə yí, í bá zə ji njɨ fúfwálá cíg-cíg. 11 Biin í á fwo bə, í cúgɛ́ ná nyiŋgə bə nɨ, gwə́mɛ́fwó jísə cî á mwɔɔmb. Bə́nɔ̂ŋ micî zaŋgbá wə́ bʉ́sə́; a ŋgə nə́mə́ kə kʉ́l á kə́ jɛ̧ɛ̧ yí. 12  Dan 7.7, 24Məlaag wûm wo ámə dʉ́g mə́nɨ mə́sə micî wûm. Myâŋ mí afwóyɛ́ ná bə nə məfaan mə́ íjwûga; njɨ, bə́nɔ̂ŋ biin bwə́ é jwú njɨ wəla ŋgwûd. 13 Micî myɔɔŋg myɛ̂sh mísə nə tə́dʉ́gá ŋgwûd, nə́ mí yə́ biin mpífə́ nyáŋ nə ŋkul ijwûga nyáŋ. 14  19.16, 19; Mbá 10.17; Sôm 136.3; Dan 2.47; 1Tm 6.15Myɛ̂sh mí é lúmbʉli nə Mwâ Ncwəmbɛ, njɨ Mwâ Ncwəmbɛ nyə e cú bwo. Nəcé nywáá jisə Cwámba míl mícwámba myɛ̂sh mí ŋgə́ gwɔ̧́ɔ̧ yí, Cí í jwú nə micî myɛ̂sh yí. Bə́nɔ̂ŋ buud nyə á mə́ jɔ̂w wá, bwə́ wə́ bwə́ bá cú mícî myɔɔŋg. Nəcé nyə a fɛ́ɛ́sh buud nyə á jɔ̂w wá, bʉ́sə nyə wəabúgʉ́lág.»

15  17.1Eŋgəles mú nyiŋgə cɨ nə mə nə́: «Mishwû wo ámə dʉ́g mbyóóŋg múdá mə́ kwambʉlə jiya mpə́dʉ́gá mínɨ, jísə ikûl, nə məŋkúmbə mə búúd, nə ilwoŋ, nə məkə̂l. 16  17.2; 18.8; Ləv 21.9; Eze 23.29; Ozê 2.5Məlaag wûm wo ámə dʉ́g mə́nɨ bə́nɔ̂ŋ biin bwə́ bá fʉm mbyóóŋg múdá, bwə́ dɛ́ɛ́g nyə isâ byé byɛ̂sh, a lʉ́g shushwáás, bwə́ bá cɛ́ɛ́g də nyə ifúndə́ nə́ ndɛɛ́ jígal nyə kudad. 17  17.13Bwə́ bá sá ntɔ́ nəcé Zɛmbî nyə a wá bwo njɨ yéésh ŋgwûd lúúd, njɨ nə́ bwə́ sáág sâ nyə Zɛmbî ŋgə́ jɨɨ yí; nə́ bɛ̂sh bwə́ tɔ́wʉ́g cʉ́ŋ nə́ bwə́ yə́ biin icî byáŋ, a bálanʉgɨ́ nə dɨ́ nə́ ndɛɛ́ kə wɔ́ɔ́s ja ísâ Zɛmbî nyə á cɨ yí í bá bwəma yí.

18 «Nə́ ndɛɛ́, mudá wo ámə dʉ́g ɛ́nɛ, nyə wə́ ŋgwə́la ánʉ́nɨ́ í ŋgə́ jwú nə micî myâ shí ga myɛ̂sh yí.»