6 གུ་གུལ་དང་ནི་སྤོས་དཀར་དང་། ། ཚོང་པའི་སྤོས་ཀྱི་དྲི་བསུང་གིས། ། ཀུན་ནས་བྱུགས་ཤིང་དབེན་སྟོང་ནས། ། དུ་བའི་ཀ་ལྟར་འབྱོན་པ་སུ། ། 7 དེ་ནི་སོ་ལོ་མོན་གྱི་ཁྱོགས་ཁྲི་ཡིན། ། ཡེས་ར་ཨེལ་གྱི་དཔའ་བོ་དྲུག་ཅུ་ཡིས། ། དེ་ཡི་ཕྱོགས་བཞིར་ཡོངས་སུ་བསྐོར་ནས་ཡོད། ། 8 ཀུན་གྱིས་རལ་གྲི་ལག་ཏུ་བཅངས། ། དེ་ཚོར་དམག་གི་རྩལ་དང་ལྡན། ། མཚན་མོའི་འཇིགས་པ་འགོག་པའི་ཆེད། ། རལ་གྲི་དཔྱི་ལ་བཏགས་ནས་འདུག ། 9 རྒྱལ་པོ་སོ་ལོ་མོན་ཉིད་ཀྱིས། ། ལེ་པཱ་ནོན་གྱི་ཤིང་གིས་ནི། ། རང་ལ་ཁྱོགས་ཁྲི་ཞིག་བཟོས་ཏེ། ། 10 ཁྱོགས་ཁྲིའི་ཀ་བ་དངུལ་ལས་བཟོས། ། ཁྱོགས་ཁྲིའི་མཐིལ་ནི་གསེར་གྱིས་གྲུབ། ། གདན་གྱི་ཁ་དོག་རྒྱ་སྨུག་ཡིན། ། དེའི་ནང་ཡེ་རུ་སཱ་ལེམ་གྱི། ། བུ་མོ་རྣམས་ཀྱི་བརྩེ་བས་ཁེངས། ། 11 ཀྱེ་ཀྱེ་ཛ་ཡན་བུ་མོ་ཕྱིར་བུད་དང་། ། རྒྱལ་པོ་སོ་ལོ་མོན་གྱི་བག་སྟོན་ཉིན། ། ཁོང་གི་དབུ་ལ་ཅོད་པན་གྱིས་བརྒྱན་ཏེ། ། ཁོང་གི་ཡིད་སེམས་དགའ་བ་འབུམ་གྱིས་མཉེས། ། ཡུམ་གྱིས་བསྐོན་པའི་ཅོད་པན་ལ་ལྟོས་ཤིག །