1 Adam tafan rusan yanginggan binganggan ibiani.

Mingꞌa gubuꞌ Anutu tipa garam gar da Arangan itip ribarangan isangꞌ Runggan maraganunggan. 2 Gubuꞌ tipa ribarangan da itip garam da sagat da ifinti da ifaringꞌ ibi “garam gar.”

3 Gubuꞌ Adam mpada udzufan basangꞌa 130, da irim narun marub isangꞌ runggan maraganunggan, da ifaringꞌ arangan binganggan Set. 4 Gubuꞌ Set waꞌa sib, da Adam itip impa udzuf 800 da irim narun rusan marub da finam fain. 5 Mpruꞌa Adam udzufan mpada marataꞌ rutin da isangꞌ 930 da arangan imamp.

6 Gubuꞌ Set mpada udzufan basangꞌa 105, da arangan irim narunggan Inos. 7 Da gubuꞌ Inos waꞌa sib, da Set itip impai udzuf 807 da irim narun rusan marub da finam fain. 8 Mpruꞌa Set udzufan mpada marataꞌ rutin da isangꞌ 912 da arangan imamp.

9 Gubuꞌ Inos mpada udzufan basangꞌa 90, da irim narunggan Kenan. 10 Da gubuꞌ Kenan waꞌa sib, da Inos itip impai udzuf 815 da irim narun rusan marub da finam fain. 11 Mpruꞌa Inos udzufan mpada marataꞌ rutin da isangꞌ 905 da arangan imamp.

12 Gubuꞌ Kenan mpada udzufan basangꞌa 70, da irim narunggan Mahalalel. 13 Da gubuꞌ Mahalalel waꞌa sib, da Kenan itip impai udzuf 840, da irim narun rusan marub da finam fain. 14 Da mpruꞌa Kenan udzufan mpada marataꞌ da isangꞌ 910 da arangan imamp.

15 Gubuꞌ Mahalalel mpada udzufan basangꞌa 65, da irim narunggan Dzaret. 16 Gubuꞌ Dzaret waꞌa sib, da Mahalalel itip impai udzuf 830, da irim narun rusan marub da finam fain. 17 Da mpruꞌa Mahalalel udzufan mpada marataꞌ rutin da isangꞌ 895 da arangan imamp.

18 Gubuꞌ Dzaret mpada udzufan basangꞌa 162, da arangan irim narunggan Inok. 19 Gubuꞌ Inok waꞌa sib, da Dzaret itip impai udzuf 800, da irim narun rusan marub da finam fain. 20 Mpruꞌa Dzaret udzufan mpada marataꞌ rutin da isangꞌ 962, da arangan imamp.

21 Gubuꞌ Inok mpada udzufan basangꞌa 65, da arangan irim Metusela. 22 Gubuꞌ Metusela waꞌa sib, da Inok itsuwir Anutu i sanaban isangꞌ udzuf 300, da irim narun rusan marub da finam fain. 23 Da mpruꞌa arangan udzufan mpada marataꞌ rutin da isangꞌ 365. 24 Inok itsuwir Anutu i sanaban isangꞌ gubuꞌ gan santan, da watip itsanga arangan u, i Anutu iyu arangan.

25 Gubuꞌ Metusela mpada udzufan basangꞌa 187, da arangan irim narunggan Lamek. 26 Gubuꞌ Lamek waꞌa sib, da Metusela itip impai udzuf 782, da irim narun rusan marub da finam fain. 27 Mpruꞌa Metusela udzufan mpada marataꞌ rutin da isangꞌ 969, da arangan imamp.

28 Gubuꞌ Lamek mpada udzufan basangꞌa 182, da irim narunggan marub mangan. 29 Da ifaringꞌ i binganggan Noa (wainggan ibi asap) da ini, “Arangan bungꞌ arim asap da agi i gum nam gadan agi nanga uwats uwats gin mingꞌa intap aru Yawe pupuarapa rutin ugu.” 30 Gubuꞌ Noa waꞌa sib, da Lamek itip impai udzuf 595, da irim narun rusan marub da finam fain. 31 Mpruꞌa Lamek udzufan mpada marataꞌ rutin da isangꞌ 777, da arangan imamp.

32 Gubuꞌ Noa mpada udzufan basangꞌa 500, da irim narun rusan iruꞌ da bits— Sem, Ham, da Yafet.