18
(I mɑɑ mɛɛrio Sɑmuɛli II, 22)
1 Womu ɡe Dɑfidi, Yinni Gusunɔn sɔm kowo u wom kowobun wiruɡii kuɑ. Gɑri yiniwɑ u Yinni Gusunɔ sɔ̃ɔwɑ sɑnɑm mɛ u nùn wɔrɑ sɑɑ win yibɛrɛbɑn nɔmɑn di, n mɑm nɛɛre Sɔɔlu. U nɛɛ,
2 Yinni Gusunɔ, wunɑ ɑ sɑ̃ɑ nɛn dɑm. Wunɑ nɑ kĩ.
3 A sɑ̃ɑwɑ nɡe kpee bɑɑ yè sɔɔ kon kuke.
A sɑ̃ɑwɑ nɛn kuku yee nɑɑnɛɡiru.
Wunɑ ɑ sɑ̃ɑ nɛn Yinni wi u mɑn yɑkiɑ.
Wunɑ ɑ sɑ̃ɑ nɛn tɛrɛru.
Wunɛn dɑmɑ mu mɑn wɔrɑ.
Wunɑ ɑ sɑ̃ɑ nɛn kɑ̀rì.
4 I kɑ mɑn Yinni Gusunɔ siɑro.
Nɑ̀ n nùn nɔɔɡiru sue nɑ fɑɑbɑ kɑnɑ,
u rɑ mɑn wɔrewɑ nɛn yibɛrɛbɑn nɔmɑn di.
5 Gɔɔ rɑɑ mɑn bɔkuɑ,
u kɑ mɑn doonɔ nɡe nim tori bɑkɑ.
6 Gɔribun wɑ̃ɑ yerɑ mɑn tɛ̃kuɑ,
ɡɔɔ mɑn tɑɑ bɛrie.
7 Mɑ nɑ nɔɔɡiru suɑ nɛn nuku sɑnkirɑru sɔɔ,
nɑ Yinni Gusunɔ sokɑ.
Mɑ u nɛn nɔɔ nuɑ sɑɑ win wɑ̃ɑ yerun di.
Mɛyɑ mɑɑ nɛn weeweenu wɔri win swɑsɔ.
8 Tem mu yĩirɑ, mɑ ɡuunu diirɑ,
yèn sɔ̃ Yinni Gusunɔ u mɔru bɛsirɑ.
9 Mɑ win mɔru seewɑ nɡe wiisu,
mɑ yɑ yɑburɑ nɡe dɔ̃ɔ yɑrɑ,
mɑ yɑ yɑrimɔ win nɔɔn di nɡe dɔ̃ɔ buri.
10 U derɑ wɔllɑ kɑ tem dɛbɛ dɛbɛ kuɑ,
mɑ u sɑrɑmɑ u ɡuru wii bɑkɑru tɑɑkumɔ.
11 U wɔllun kɔ̃so ɡoo sɔni nɡe dumɑ.
Mɑ u bɛllimɔ woo sɔɔ.
12 U kukuɑ yɑm wɔ̃kuru sɔɔ,
mɑ ɡuru wii sinumɡinu nùn wukiri.
13 Win wuswɑɑɔ yɑm bururɑm mu wɑ̃ɑ.
Min diyɑ ɡurɑ nɛmɔ kɑ ɡuru kpenu kɑ dɔ̃ɔ buri.
14 Win nɔɔ ɡɑ nɔɔrɑ wɔllun di nɡe ɡuru ɡbɑ̃sukubu.
Mɑ ɡuru kpenu nɛɛrɑmɔ kɑ dɔ̃ɔ buri.
15 U nɛn yibɛrɛbɑ yɑrinɑsiɑ kɑ ɡuru kpenu ni nu sɑ̃ɑ nɡe sɛ̃ɛnu.
U bu ɡirɑ bɑɑmɑ kɑ ɡuru mɑɑkinu.
16 U wɛ̃ru wurɑ, yibɛrɛbɑ bɑ nɑndɑ.
Mɑ ɡuru woo bɔkɔ ɡɑ dɑɑnu ɡberɑsiɑ.
Mɑ duniɑn kpɛɛkpɛɛku ɡɑ sɔ̃ɔsirɑ.
17 Mɑ u win nɔmu dɛmiɑmɑ wɔllun di
u mɑn nɛnuɑ u yɑrɑ nim bwee bɑkɑrun di.
18 U mɑn wɔrɑ yibɛrɛbɑn nɔmɑn di.
Yibɛrɛ be, bɑ mɑn dɑm kere,
mɑ bɑ mɑn tusɑ.
19 Yibɛrɛ be, bɑ mɑn wɔriwɑ nɔni swɑ̃ɑrun sɑɑ sɔɔ.
Adɑmɑ Yinni Gusunɔ u kuɑ nɛn tɑ̃si yeru.
20 U mɑn wɔrɑ ben nɔmɑn di,
nɑ n kɑ tii mɔ,
domi u mɑn kĩ.
21 U mɑn domɑru kuɑ yèn sɔ̃ nɑ dɛɛre.
U mɑn domɑru kuɑ yèn sɔ̃ nɑ ɡem swĩi.
22 Nɑ win woodɑ mɛm nɔɔwɑ.
Nɑ ǹ nùn seesi.
23 Nɑ win woodɑ kpuro swĩi.
Nɑ ǹ win ɡere yinɛ.
24 Nɑ nɛn tii nɛnuɑ
kpɑ n ku rɑ kɑ durum ko.
Nɑ sɑ̃ɑwɑ dee dee win wuswɑɑɔ.
25 Yen sɔ̃nɑ u mɑn kɔsiɑ nɡe mɛ nɛn dɑɑ ɡeɑ nɛ.
U mɑn kɔsiɑ nɡe mɛ nɛn ɡɔ̃ru ɡɑ dɛɛrɑm nɛ.
26 Sɑ̀ n sɑ̃ɑ nɑɑnɛɡibu, kɑɑ n sun sɑ̃ɑwɛwɑ nɑɑnɛɡii.
Sɑ̀ n sɑ̃ɑ ɡemɡibu, kɑɑ n sun sɑ̃ɑwɛwɑ ɡemɡii.
27 Sɑ̀ n sɑ̃ɑ dɛɛrobu, kɑɑ n sun sɑ̃ɑwɛwɑ dɛɛro.
Sɑ̀ n mɑɑ sɑ̃ɑ keetɑɡibu, kɑɑ n sun sɑ̃ɑwɛwɑ keetɑɡii.
28 Yinni Gusunɔ, wunɛn tiiwɑ ɑ rɑ tɔn be bɑ tii kɑwe fɑɑbɑ ko.
Wunɛn tiiwɑ ɑ rɑ be bɑ tii sue kɑwe.
29 Yinni Gusunɔ, ɑ sɑ̃ɑwɑ nɛn fitilɑ.
A rɑ mɑn yɑm bururɑsie.
30 A rɑ mɑn dɑm kɛ̃ n kɑ kpĩ n yibɛrɛ be bɑ tɑbu yɑ̃nu mɔ wɔri,
kpɑ n yɔ̃ n ben ɡbɑ̃rɑru sure.
31 Ye Yinni Gusunɔ u mɔ̀, yɑ rɑ n dɛndewɑ.
Bwisi ɡeeyɑ u rɑ tɔnu kɛ̃.
U sɑ̃ɑwɑ be bɑ nùn nɑɑnɛ sɑ̃ɑn tɛrɛru.
32 Gusunɔ turowɑ u wɑ̃ɑ.
Wi turowɑ u sɑ̃ɑ bɛsɛn Yinni.
Wi turowɑ u koo sun kɔ̃su.
33 Wiyɑ u rɑ mɑn dɑm kɛ̃.
Wiyɑ u rɑ mɑn swɑɑ ɡeɑ sure,
34 kpɑ u de nɛn nɑɑsu su n sɑ̃u nɡe nɛmu,
nɑ n kɑ yɔ̃ dim dim ɡuuru wɔllɔ.
35 Wiyɑ u rɑ mɑn tɑbu sɔ̃ɔsi.
Wiyɑ u rɑ mɑn dɑm kɛ̃ n kɑ tɛndu ɡɑwɑ te tɑ bɔ.
36 Yinni Gusunɔ, wunɑ ɑ rɑ mɑn fɑɑbɑ ko nɡe tɛrɛru.
Wunɑ ɑ rɑ mɑn bere kɑ wunɛn dɑm bɑkɑm.
Wunɛn durom sɑɑbuwɑ nɑ kɑ kuɑ dɑmɡii.
37 Nɑ̀ n dukɑ mɔ̀, ɑ rɑ de nɑ n sɑ̃u.
Nɑ̀ n dukɑ mɔ̀, nɑ ku rɑ mɑɑ sokure.
38 Nɑ̀ n nɛn yibɛrɛbɑ nɑɑ ɡire,
wunɑ ɑ rɑ de n bu nɑɑmwɛ.
Wunɑ ɑ ku rɑ de n ɡɔsirɑmɑ
nɑ kun bu kpeerɑsie.
39 Nɑ rɑ bu suririwɑ temɔ n kɔsuku
kpɑ bu kpɑnɑ bu se.
40 Yinni, wunɑ ɑ rɑ mɑn dɑm kɛ̃ n kɑ tɑbu ko.
Wunɑ ɑ rɑ mɑn nɑsɑrɑ wɛ̃ nɛn yibɛrɛbɑn wɔllɔ.
41 Wunɑ ɑ rɑ de nɛn yibɛrɛbɑ bu mɑn biru kisi.
Wunɑ ɑ rɑ de n be bɑ mɑn tusɑ kpeerɑsiɑ.
42-43 Nɑ rɑ bu munkuwɑ kpɑ bu ko nɡe tuɑ.
Nɑ rɑ bu tɑɑkuwɑ kpɑ bu ko nɡe pɔtɔkɔ.
Yinni Gusunɔ, bɑ̀ n nɔɔɡiru suɑ bɑ fɑɑbɑ kɑnɑ,
ɑ ku bu fɑɑbɑ ko.
Bɑ̀ n somiru kɑnɑ, ɑ ku bu wisi.
44 Yinni Gusunɔ, wunɑ ɑ mɑn wɔrɑ
be bɑ mɑn seesin nɔmɑn di.
Wunɑ ɑ mɑn kuɑ bwese tukunun wiruɡii.
Wunɑ ɑ derɑ bɑ mɑn yoru diiyɑmmɛ.
45 Bɑ̀ n yɑnde nɛn ɡɑri nuɑ, bɑ rɑ n mɑn mɛm nɔɔwɑmmɛwɑ.
Bɑ̀ n mɑn wɑ, bɑ rɑ n mɑn sɑ̃ɑmɔwɑ.
46 Bɑ̀ n mɑn wɑ, bɑ rɑ nɑndewɑ.
Bɑ̀ n mɑn wɑ, bɑ rɑ yɑrimɛwɑ ben kuku yerun di bɑ n diirimɔ.
47 Yinni Gusunɔ u wɑ̃ɑ.
I nùn siɑro. Wiyɑ u sɑ̃ɑ nɡe kperu mi nɑ rɑ kuke.
I nùn bɛɛrɛ wɛ̃ɛyɔ. Wiyɑ u mɑn fɑɑbɑ kuɑ.
48 Wiyɑ u rɑ mɑn mɔru kɔsie nɛn yibɛrɛbɑn mi.
Wiyɑ u rɑ de bwesenu nu mɑn yiirɑ.
49 Wiyɑ u rɑ de n kisirɑ yibɛrɛbɑn nɔmɑn di.
Yinni, ɑ mɑn wɔlle suɑ ben wuswɑɑɔ.
Wunɑ ɑ mɑn fɑɑbɑ kuɑ tɔn kɔ̃sobun nɔmɑn di.
50 Yen sɔ̃nɑ kon womusu ko kɑ wunɛn yĩsiru.
Wunɑ kon siɑrɑ bwesenun suunu sɔɔ.
51 Yinni Gusunɔ, ɑ mɑn ɡɔsɑ ɑ kuɑ sunɔ.
Wunɑ ɑ mɑn nɑsɑrɑ bɑkɑ wɛ̃.
Nɑ yɛ̃ mɑ kɑɑ n nɛ Dɑfidi durom sɔ̃ɔsimɔ
nɛ kɑ nɛn bweseru sere kɑ bɑɑdommɑɔ.