1 Iwe, nöün Tafit kewe mwän mi upu ngeni me lon Hepron: Ewe mwänichi Amnon, a nöüni me won Ahinoam ewe fin Jesrel, ewe aruomanün Taniel, a nöüni me won Apikael ewe fin Karmel. 2 Ewe aülümanün Apsalom, a nöüni me won Maka nöün Talmai ewe kingen Kesur, ewe afömanün Atonia, a nöüni me won Hakit, 3 ewe alimanün Sefatia, a nöüni me won Apital, nge ewe awonomanün Itream, a nöüni me won Ekla. 4 Ikkei ir ekewe wonoman mwän Tafit a nöüni me lon Hepron, ewe ia a nom ie o nemenem lon ükükün fisu esop ier. Nge a pwal nom lon Jerusalem o nemenem lon ükükün ilik me ülüngat ier. ✡ 2.Sam 5.4-5; 1.King 2.11; 1.Kron 29.27 5 Iwe, nöün Tafit kewe föman mwän a nöüni me won Patsipa nöün Amiel we fefin me lon Jerusalem: Simea, Sopap, Natan me Salomon. ✡ 2.Sam 11.3 6 Mi pwal wor ekoch mwän Tafit a nöüni me lon Jerusalem: Ipar, Elisua, Elpelet, 7 Noka, Nefek, Jafia, 8 Elisama, Eliata me Elifelet, iteiter meinisin tiueman. 9 Ir meinisin nöün Tafit kewe mwän, lükün nöün kewe mwän me won ülüpwülüan kewe. Nge iten fefiner we Tamar.

10 Iwe, nöün Salomon we mwän Rehopoam, nöün Rehopoam Apia, nöün Apia Asa, nöün Asa Jehosafat, 11 nöün Jehosafat Jehoram, nöün Jehoram Ahasia, nöün Ahasia Joas, 12 nöün Joas Amasia, nöün Amasia Ussia, nöün Ussia Jotam, 13 nöün Jotam Ahas, nöün Ahas Hiskia, nöün Hiskia Manasa, 14 nöün Manasa Amon, nge nöün Amon Josia. 15 Iwe, a wor föman nöün Josia kewe mwän: Johanan ewe mwänichi, Jehoiakim, Setekia me Salum. 16 Nge nöün Jehoiakim kewe mwän: Jehoiachin me Setekia.

17 Ikkei ir mwirimwirin Jehoiachin kewe, ätewe mi oola Papilon. Nöün Jehoiachin kewe mwän: Sealtiel, 18 Malkiram, Petaia, Senasar, Jekamia, Hosama me Netapia. 19 Nöün Petaia kewe mwän: Serupapel me Shimei. Nge nöün Serupapel kewe mwän: Meshulam me Hanania pwal fefiner we itan Selomit. 20 A pwal wor limman nöün Serupapel mwän: Hasupa, Ohel, Perekia, Hasatia me Jusap-heset. 21 Nge nöün Hanania kewe mwän: Pelatia me Jesaia. Jesaia semen Refaia, Refaia semen Arnan, Arnan semen Opatia, nge Opatia semen Sekania. 22 Iwe, nöün Sekania we mwän Semaia. A wor limman nöün Semaia mwän: Hatus, Ikal, Paria, Nearia me Safat. 23 Iwe, a wor ülüman nöün Nearia mwän: Eli-oenai, Hiskia me Asrikam. 24 Nge nöün Eli-oenai kewe füman mwän: Hotawia, Eliasip, Pelaia, Akup, Johanan, Telaia me Anani.