1 Tupàn Tuweharupi Wiko Ma'e wiko àràpuhàràn imono'ogar ài ihewe a'e.

Uhyk putar ma'e ihewe nehe.

2 Hemupytu'u kar ka'api'i ikyr ma'e rehe.

Hereraha ykotok heta 'ymaw pe.

3 Hemukàg kar wiwi a'e,

Pe ikatu ma'e rupi hemuata kar pà a'e no,

Hemimume'u kwer rupi katete a'e no.

4 Aze ata ywyàpyznaw tatainy hereko 'ymar rupi nehe, màno haw zàwenugar rupi nehe,

Nakyze kwaw ma'e wi ihe nehe,

Ta'e ne Tupàn Tuweharupi Wiko Ma'e ereiko herehe we ne xe.

Erezekaiw katu herehe. Heho àwàm erexak kar ihewe no.

5 Erezapo mai'u hawhu ihewe.

Heàmàtyry'ymar upuner herexakaw rehe a'e mai'u haw pe wà.

Hemuixe kar pe nereminoz imuwete wera'u pyr ài.

Eremynehem tuwe hekanek ihewe.

6 Azeharomoete nekatu haw nehe, nepuruamutar haw nehe no,

Upyta putar heinuinuromo herekuwe mehe nehe. Akwaw herehe we ipyta àwàm ihe.

'Ar nànàn herekuwe mehe

Aiko putar neràpuz me, o Tupàn Tuweharupi Wiko Ma'e.