1 Urumume'u nekatu haw uruiko, o Tupàn, urumume'u nekatu haw uruiko.

Nehua'u haw urumume'u.

Urumume'u neremiapo kwer ikatuahy ma'e no.

2 Nezewe uze'eg Tupàn. — Amume'u katu 'ar teko wanemiapo kwer imume'u àwàm kwez ihe.

A'e 'ar mehe amume'u putar wanemiapo kwer hekatu haw rupi ihe nehe.

3 Aze ywy uryryryryz nehe,

Aze hehe har umàno etea'i wà nehe,

Namuhem kar kwaw ywy iwype har henaw wi ihe nehe.

4 — Pemume'u zo pepuner haw nehe, a'e ikatu 'ym ma'e wanupe.

— Aiko wera'u amo wanuwi ihe, peze zo nehe, a'e wanupe.

5 — Pepytu'u pekàgaw rehe peze'eg ire nehe.

Pepytu'u tuwihaw ài peze'eg ire nehe, a'e wanupe, i'i Tupàn.

6 Teko wanemiapo kwer imume'u haw a'e, nur kwaw kwarahy ihemaw wi a'e. Kwarahy heixe haw wi nur kwaw a'e.

Nur kwaw kwarahy heixe haw awyze har kutyr har wi a'e. Kwarahy ihemaw awyze har kutyr har wi nur kwaw a'e.

7 Tupàn a'e ae wiko imume'u har romo a'e.

Weityk amo wà.

Upir amo wà no.

8 Tupàn Tuweharupi Wiko Ma'e wereko amo kanekpuku opo pe.

Tynehem win zàwenugar pupe a'e. Ikwahy haw pupe tynehem.

U'u kar ipor ikatu 'ym ma'e wanupe.

Paw rupi i'un wà.

9 Ihe aze'eg putar Tupàn Zako izar rehe tuweharupi ihe nehe.

Amuzàg putar zegar haw ikatu haw rehe nehe no.

10 Uzuhaw putar ikatu 'ym ma'e wakàgaw nehe.

Tupàn heruzar har wakàgaw uhua'u wera'u putar nehe.