Nayona Anumaya Koti amaune veaꞋmoꞋya mage huꞋya hu-mainayane Anumaya KotiꞋa nago kanoa ago hapaliteneanagino hutesigeno esia amo tamaugafa aligatigahie huꞋya hu-mainayane. Ani kanomo agia Kaliki kefina KalaisiꞋe huꞋya hu-mainagi Yuta veaꞋmogami kefina MesaiyaꞋe huꞋya agia aye-mainae. Ani yafe Misini veaꞋmoꞋya MesiaꞋe huꞋya nehae. Ani mukiꞋa agimoꞋa Yisasife humainae. KalaisiꞋe agia mani agihe tahanepaiye.

Nagoke nofi veaꞋmogamina tagufa (3) amaki hane, Yuta veaꞋne huꞋya Isaleli veaꞋne huꞋya Hipalu veaꞋene huꞋya amakiꞋenema hapalinutamahena nagoke nofi veafe hu-maine hutama hiho.

Isaleli veala Mt. 2:2 eteka atupale hanea avopi ago.

Satiusi vayala mono note kava vayalagiꞋya maineꞋya mukiꞋa Mosese kahegi kea akave omalenae. Mage huꞋya humainae “VeaꞋma fali-mainafitila heotigahae” huꞋya humainae. Na avopi eteka Mt. 22:23 hapalika havio. Tagu nafaꞋnea omaine ensole vayafeꞋenena omainae huꞋya humainae. Na avopi eteka Ap. 23:8 hapalika havio. “Anumaya KotiꞋa taugafama aligatisia kanoa hutegeno omegahie huꞋya humainae.

Ehe kanafina SataniꞋa Anumaya Koti ensole kano maineanagino ani kanafina agia LusifaꞋe huꞋya hu-mainayane. Ani LusifaꞋa Anumaya Kotina veganokano hutegeno Anumaya KotiꞋa hutegeno elavimaine. Ani kemoꞋa Ais. 14:12-20 hanegi Tok Pisin Baibel ago. Menia SataniꞋa mukiꞋa kanafina AnumayamoꞋene kame nehuno Anumayamote viaꞋamo nagoꞋa veafena “Kefo yana maiꞋya nehae.” huno humate mo humate nehie. Meni kanafima neꞋalia aliꞋyafena na avopi eteka Jo. 12:31, 2Ko. 4:4, Ef. 2:2 hapalika havio. YisasiꞋa fali-maineanagino Satanina agasemaine. Na avopi eteka Hi. 2:14, 15 hapalika havio.

Kefo Avamule hunoꞋma hiana amaugafa omale anagafe hu-maine. Nagi nagoꞋa veaꞋmogami amakupi hai fale maineꞋya havi amaku amakesa amamigeꞋya havi no mainageno tusiya huno alino haviya hu neꞋamate.

Falasia veaꞋmoꞋya Mosese kahegi kea havilama huteꞋya ali hipoꞋya nehuꞋyagi amakinagomo-gami kene ali hipoꞋya hu-mainae. MukiꞋa ani kema ali hipoꞋyama haya yafena tusiya huꞋya amaugafa aliꞋya hai-mainaya veaꞋne mainae. “Tagaya tusiya huta kanale veaꞋne mainonagi nagoꞋa veala kefo veaꞋne mainae “Anumaya KotiꞋa taugafama aligatisia kanoa hu-tesigeno egahie.” huꞋya hu-mainayanagi YisasiꞋma evaꞋyi hu-mainea kanafina “Ani kea hu-mainaya kanoa omainane.” huteꞋya mukiꞋa kanafina amakaveꞋno hutenae.

Mono note kava vayaꞋmoꞋya maꞋa augafa kava huꞋya aliꞋya ali-mainae. Nayona Anumaya KotiꞋa mage huno hu-maine “Kefo yama hisayana anona yamaꞋa alitama faligahae. VeaꞋmoꞋya kefo yama nehaya yamoꞋa Anumayamonia kame veaꞋni mainae.” huno hu-maineane. Hu-maineanagi AnumayamoꞋa veaꞋnene kigi yokalo huno maisia yafena muse nehuno mage hu-maineane “Kefo yama hinutama sipi sipio pulamakao memeo namao hetetama namisageno naipamoꞋa kanale hugahie.” huno hu-maineane.

Mono note kava vayaꞋmoꞋya ani afuyaga heꞋya veaꞋne amaya hisunafene huꞋya nunamuna Anumayamotega huꞋya havige-mainae. Ani afuyaga heteꞋya yafa folamole maleꞋya atafi kae salamana hageno manaꞋamoꞋa Anumayamotega haigeno havitegeno aipamoꞋa kanale hu-maineane. Ani mono note kava vayaꞋmoꞋya Anumaya KotiꞋene veaꞋnene amuꞋnoꞋamifi heti-maineꞋya nunamuna huꞋya Anumayamotega havige-mainae. Ani aliꞋyafena na avopi eteka vakayeka Hi. 5:1 hapalika havio.

Afa veaꞋmoꞋya mani aliꞋyana oꞋalinagi Isaleli vayapiti Livai nofi vayakeꞋyamoꞋya mani aliꞋyana neꞋaliꞋya mono note kava aliꞋyana neꞋaliꞋya nehayane.

Ani kumafena tagufa (3) agia aye-mainae Katalagaene nehuꞋya Kelasaene nehuꞋya Kegesae nehuꞋya nehayane.

“Amayana sese nohae.” huꞋya hageno MatiuꞋa kae-maleneanagi amayana oniꞋyaꞋage hu-mainea yafe ohune. Falasia veaꞋmoꞋya amakaiꞋami amakesafiti mani kahegi kea maleneꞋya akave malenae. NagoꞋa Yuta vea omainaya veaꞋnenema katega fotuma nehuꞋyao maketi kumapima fotu nehuꞋyao mage hu-mainae “Kefo ya nehaya veaꞋne nayana aminogenoꞋagino nayamoꞋa oniꞋyaꞋage hu-maine.” huꞋya hu-mainae. Taulagama neꞋagona oniꞋya yafena ohunagi amakesa mage havimainae “Tayama sese ohisunana ani kefo yamoꞋa lagupi tavino hanegahie.” huꞋya nehaya yafenagiꞋya ani veaꞋmoꞋya kaveꞋma negahena Anumayamo aufina kefo yama ohisayafene huꞋya amayana sese huteꞋya kavela nemainae. Anumaya Koti kahegi kemoꞋa “NaꞋa kavala hiho.” huno ohuneanagi ani kavaꞋma hayana Falasia vayaꞋmogami kahegi ke akave malenayane.

Folamoema huno hu-maineana aluꞋa augafa folamohe hu-mainae. Ani folamolela kefo yaꞋamihe amakesa haviteꞋya afua heꞋya Anumayamona kae salamana hu neꞋateꞋya muse yama amigahe negayaya folamoe. Ani folamoa sipi sipima memema pulamakama inaꞋa afuyaga heꞋya negayaya folamoe. NagoꞋa alu aotage folamoene haneanagi ani folamolela Anumayamofe amakesa haviꞋya manaꞋage ata kae nemalayane. Lu.1:11 na avopi eteka hapalika havio.

Anumaya KotiꞋa amakinagomo-gami amaugafama aligati-maine huꞋya ala imuma ki-maleꞋnama huꞋya hayana amakesa mage huꞋya haviteꞋya kimainae. Nayona Isaleli veala Isipi kotega mainageꞋya nofila hu-matageꞋya tusiꞋa aliꞋya neꞋaligeno Anumaya KotiꞋa “Tamaugafa ali-gatigahuanagiꞋna Isipi veaꞋmogamina yage nafaꞋneꞋamia hamaesugeꞋya falisagetama faletama ugahae. Ugahagi tamakaila yage nafaꞋnetamima ohamaesugetamahena sipi sipi hetama kolamaꞋa alitama faesaya nomo fiate fale-malesageꞋna neꞋageꞋna tamakaseꞋna yage nafaꞋnetamia ohamaegahue.” Huno hu-maineane. Na avopi eteka Hi.11:28 hapalika havio. Amakaseno amaugafa aligati-mainea kemofena Namamo Kefina ani kanahena Pasovae huꞋya agia neꞋayae.

Mani kanahena foa (4) molia ikamona 14 kanalefe tusiꞋa opatele huꞋya kafuꞋahe kafuꞋahena mukiꞋa Yuta veaꞋnea ala imugefa kiꞋya nenayane.

Tagaya YutasiꞋma ali-mainea monea havilama huta ohavinone. Nayona Yuta veaꞋnea tole yafamo miyaꞋamia hane. Nagola nagoke yafamoꞋa tagai monefina 2 Kinae huta nehuna mone hane. Nagi nago monea nagoke yafamoꞋa 4 Kinae huꞋya hu-maine. Hu-mainayanagi YutasiꞋa sikisiti (K60) kina ali-maineo? Vani hataleti tueti (K120) kina ali-maineo? Tagaya oꞋagenone. NaꞋa hianagi ali-mainea monemoꞋa Vani hataleti tueti (K120) kinamona oꞋagasene.

Atupale hanea avopi Matiu 8:4 ago.

Ala kenagefa ma yafe hu-maine. Ala mono nopi mani ala kenaleti asa hu-malageno tole nona kana huno hane. Kumategati hai faleꞋya nemaiya nomo agia “Alu aotage none.” huꞋya hu-mainae. Ani nopina mukiꞋa kanafina mono note kava vayaꞋmoꞋya haiꞋya aliꞋyaꞋamia neꞋaliyane. Ala kenaleti asa hu-malageno aiso hu-mainea kaiyagamo agia “TusiꞋya huno aluꞋa huno alu aotage none.” huꞋya hu-mainae. Ani nopina mono notela hagote kava kanomoꞋa agaiꞋage kafuꞋahe kafuꞋahena nagoke yupa kanoꞋa hai nefaleane. Ani kemoꞋa Hi.9:1-7 na avopi eteka hapalio. YisasiꞋma nefaligenoꞋa ani ala kenamoꞋa hatata hulole hu-maineafe tagayama havunana menia mukiꞋa kanafina tagaitigela afaꞋa Anumayamotega ke huta nunamupitila havigegahune huta havilinone.

Atupale hanea avopi Matiu 4:10 vakayeka ago.

Atupale hanea avopi Matiu 5:20 vakayeka ago.

Atupale hanea avopi Matiu 8:4 vakayeka ago.

Aposolo vayala mani vayafe hu-mainae. Yisasima mopafima mainenoꞋa tuelufuꞋa (12) vaya hapaliteno “Nagai kema nehaviya yafema hu-lamatoa vaya maiho.” huno hu-matene. VeaꞋmogamina agai kema hamapaisaya yafe hu-matene. Ani vayaꞋmogami amakia na avopi eteka Lu.6:13-16 vakayeka hapalio. HaenagaꞋa YisasiꞋa faliteno etenoꞋma hetitenoꞋa Polofena “Aposolo kano maiyo.” huno hutene.

Atupale hanea avopi Matiu 8:28 vakayeka ago.

Atupale hanea avopi Matiu 15:2 vakayeka ago.

Atupale hanea avopi Matiu 4:24 vakayeka ago.

Atupale hanea avopi Matiu 3:7 vakayeka ago.

Isaleli veafe atupale hanea avopi Matiu 2:2 vakayeka ago.

Atupale hanea avopi Matiu 26:2 vakayeka ago.

Atupale hanea avopi Aposolo 3:25 vakayeka ago.

Lomu vayaꞋmoꞋya ayaꞋamoꞋya Yuta veaꞋnene tuma huꞋya amakase-mainaya yafe Yuta veaꞋmogami kava vayamoꞋya Yisasina kaiyekema hu-mateꞋya “Faligane.” huꞋya hisaya tokiyaꞋamia omalageno Lomu ala kava kanomoꞋa “E.” huno hisigeꞋyage ani kavala hugahae. NaꞋa hu-maineanagiꞋya Yisasina avaleꞋya Pailatia Lomu kava kanole umainae. Mani kemoꞋa na avopi eteka vakayeka Yoni 18:31,32fi hanegi hapalika havio. MukiꞋa kotega veapina yafaga yosale nilima heꞋya hefali-mate yana omalenegi Lomu veategage ani auꞋava yana haneane.

Atupale hanea avopi Matiu 23:18 vakayeka ago.

Amakoya anoꞋyamaꞋa laga hu-mainayana Yuta vayaꞋmoꞋya “Anumayamo nofi vaya mainone.” nehuꞋya osi nafaꞋneꞋamimogami amakoyamo anoꞋya laga huteꞋya “Anumaya KotiꞋa tagaiꞋene alino hagelafi-latenea kemoꞋa hu-lokiya vai-latenegeta alu veaꞋne mainone.” huꞋya Yuta vea omainaya veaꞋmogamima amavelisia yafe taga hu-mainae. Yuta vea omainaya vayala amaugafa taga ohunaya yafe “Tagaya Yuta vea omainone.” nehuꞋya Yuta veaꞋmogami mono nopina neꞋuꞋya monola ohavinae. Na avopi eteka Aposolo 7:6-8 vakayeka hapalio.

Atupale hanea avona Matiu 26:2 vakayeka ago.

Ani ala ti kotumona tagufa (3) agia aye-mainae nago agia Kenesale nago agia Taipiliasie nago agia Kalili ti kotune huꞋya agia aye-mainae. Na avopi eteka Yoni 6:1 vakayeka hapalio.

Atupale hanea avopi Matiu 8:28 vakayeka ago.

MukiꞋa kanafina Samelia veaꞋnene Yuta veaꞋnene tu nehaya veaꞋne mainayanae. Samelia veala Anumayamona muse yama neꞋamiꞋya Anumayamo agima alisaga hugahe melitalu nehaya agoꞋyamo agia Kelesimi. NaꞋa nehayanagi Yuta veaꞋmoꞋya Yelusalemu neꞋuꞋya Anumayamo agia alisaga nehayane. YisasiꞋa Yuta nofi veaꞋmogami ke akave malegahe via yafenagiꞋya Samelia veaꞋmoꞋya Yisasina aya ohugahune huꞋya hu-mainae. Na avopi eteka vakayeka Yoni 4:20 vakayeka hapalika havio.

Atupale hanea avona Matiu 4:24 vakayeka hapalika havio.

Atupale hanea avona Matiu 15:2 vakayeka hapalika havio.

Atupale hanea avona Matiu 5:20 vakayeka hapalika havio.

Atupale hanea avona Matiu 3:7 vakayeka hapalika havio.

Atupale hanea avona Matiu 26:2 vakayeka hapalika havio.

Atupale hanea avona Matiu 4:10 vakayeka hapalika havio.

Atupale hanea avona Matiu 27:51 ago hapalika havio.

Atupale hanea avona Luku 9:53 ago hapalika havio.

Hipalu veaꞋmofe atupale hanea avona Matiu 2:2 vakayeka hapalika havio.

Atupale hanea avona Luku 5:1 vakayeka hapalika havio.

Atupale hanea avona Matiu 26:2 vakayeka hapalika havio.

Atupale hanea avona Luku 2:21 vakayeka hapalika havio.

Atupale hanea avona Matiu 1:16 vakayeka hapalika havio.

Atupale hanea avona Matiu 4:10 vakayeka hapalika havio.

“Navalesaga hugahae.” huno hu-mainea kemo aepaꞋahena YisasiꞋa mage huno hu-maine “HaenagaꞋa veaꞋmoꞋya nagaila alisaga huꞋya yafaga yosale nili nehaeꞋya nasaisageꞋna falisugeno haenagaꞋa Anumaya KotiꞋa navalesaga huno ikapinaga natenageꞋna maigahue.” huno hu-maine. Na avona eteka vakayeka mani kea Filipai 2:9-11 hapalika havio YisasiꞋa nani tole yafeꞋene hu-maine.

Atupale hanea avona Matiu 26:2 vakayeka hapalika havio.

Atupale hanea avona Matiu 8:4 vakayeka hapalika havio.

Atupale hanea avona Saimoni PitaꞋene umainea kanoa YoniꞋa agaiꞋahe hu-maine. Augafa alino haisia yafena ohaigeno agaiꞋa agia aye falote ohune.

Atupale hanea avona Maki 15:1 vakayeka hapalika havio.

Atupale hanea avona Maki 3:14 vakayeka hapalika havio.

Hagelafi latenea kema hiana tole kanolatamogania tokaeꞋana “Tamage hutaꞋa naꞋa kavala hugahuꞋe.” huteꞋana anaya oꞋami aꞋami nehaꞋa agima hanea kehe hu-maine. Anumaya KotiꞋa veafe hau hu-mateno hamaꞋmaesia yafe nayona Apalahamufena “Kagai kaginagomoꞋya nagai anaga maigahae. NaꞋama hisagetahena kanaleꞋya huta ai-lokaeta maigahune.” huno huteno alino hagelafi-mate kema hama-paigeꞋya Ol Tesatameni nayo avopina kae-malenayane. Nagi YisasiꞋma falino miya hu-latenea kanafina haegafama alino hagelafi-latenea kemoꞋa falote hu-maine. Na avopi eteka vakayeka Mk.14:24; Hi.8:8-13; Hi.12:24 hapalika havio.

Atupale hanea avona vakayeka Matiu 4:10 ago.

PoloꞋa aguꞋama Anumayamona oꞋaminea kanafina KamelieliꞋa agaila huge velige hau-maine. Na avopi eteka vakayeka Ap.22:3 hapalika havio.

SoloꞋe kanomona nago agia PoloꞋe. Yuta veaꞋmogami kefina SoloꞋe huꞋya ayageno Kaliki kefina PoloꞋe huꞋya aye-mainayane. Mani avopina Yuta veaꞋnene mainea kanafina agia SoloꞋe huno kae-maleneanagi Kaliki veaꞋnenema maiya kanafina agia PoloꞋe huꞋya aye mainae.

Atupale hanea avopi 2 Timoti 1:15 ago.

Ani kanafina ala kava vayala Lomu vaya mainayane. Alu kote alu kotela kamema nehaya vayaꞋmogamina amakaseꞋya ala vaya maineꞋya kava neꞋyagaiyane. Ani yafe mukiꞋa veaꞋmogami amakia Lomu kotega hanesie huꞋya amakesa havimainae. Kava kanomona amamefe malenesaya miya amisageno Lomu veaꞋne-lafana mainae huno hu-mategahie. Polona nefaꞋa Yuta kano maineanagino mone hageno amaminegeꞋya “Lomu kotega kagia hanea kano mainane.” huꞋya hu-tenae. Hu-tegeno PoloꞋa nefaꞋa Lomu kano maineafe PoloꞋa aniꞋa huno Lomu kano-lafana hapae-maine. Kava vayaꞋmoꞋya Lomu veafena hu haviya hu oꞋamatenae. Ani yafe PoloꞋa “TaꞋagaya Lomu kanola mainoꞋe.” huno hu-maine.

Atupale hanea avona vakayeka Aposolo 16:37 ago.

Atupale hanea avona vakayeka Matiu 3:7 ago.

Yuta veafema humainea atupale hanea avona vakayeka Matiu‘N’2:2 ago.

Atupale hanea avona vakayeka Luku 2:21 ago.

“Anumaya Kotina hagote nafaꞋneꞋaema.” huꞋya hayana veaꞋmoꞋyama nafaꞋnema neꞋataya augafa kavala falote hunegi YisasiꞋa Anumaya KotiꞋene ikapinaga maige maige huno mainea kanohe nehae. Anumaya KotiꞋa hu-tegeno ma mopafi elavino eaꞋamo me faliteno heti-maine. YisasiꞋa yage kanoa hagote kanogeno neputimo kana huno maine.

Yelusalemua Saiyoni agoꞋyale hane. Yuta veaꞋmogami ala kumaꞋami haneanagiꞋya nagoꞋa kanafina Yuta veafena “Saiyoni veaꞋne mainae” huꞋya hu-mainae.

Miya oꞋali aliꞋya veala nofipi mainaya vea kana hu-mainae. KuꞋafenoꞋamima hanea veaꞋmoꞋya amakaiꞋami miyateti veala agola miya hu-malageno ani aliꞋya kanomoꞋa miyana oꞋalino mukiꞋa kanafina agaiꞋama haiya kavala ohune. MopaꞋalega oꞋuno afaluꞋamona mo noꞋageane. Miya oꞋali aliꞋya veaꞋmoꞋya nafaꞋneꞋamima amatayana ani nafaꞋneyagaenena miya oꞋali aliꞋya veaꞋne mainayane.

Kolini veaꞋmoꞋya mage huꞋya hu-mainayane “Ma mopafi kanomo kava hu-latene.” huꞋya hu-mainaya yafe amanutela aiso hu-mainae. Ani yafena PoloꞋa “Anumayamo kema hu-haletama hisaya kanafina ma mopafi vayaꞋmoꞋya yagai otatenagi AnumayamoꞋa agaiꞋage yagai-latene hutama hisayafene hutama tamanutela aiso ohiho huno hu-maine.

Kolini aꞋnemoꞋya amanutela aiso hu-lineꞋya “Anautimo aiyafinaga mainone.” huꞋya hu-mainayane. Kolinia kumai aꞋne munaꞋnemoꞋya mukiꞋa kanafina amayolagefa mukiꞋa laga hu-talenayanagino PoloꞋa ani yafe mani kea hu-maine.

Atupale hanea avona vakayeka Matiu 4:10 ago.

Hipalu veafena atupale hanea avona vakayeka Matiu 2:2 ago.

Atupale hanea avona vakayeka Luku 2:21 ago.

Atupale hanea avona vakayeka Matiu 4:10 ago.

Atupale hanea avona vakayeka 1 Kolini 7:21,22 ago.

Atupale hanea avona vakayeka Lomu 8:29 ago.

Atupale hanea avona vakayeka 1 Kolini 7:21,22 ago.

Tagaya meni “Esia kotegaema.” huta nehavunana ala mopahe hu-mainonagi PoloꞋa Esia veapi kea kea hu-maineana Esia nago atupaꞋa hanea kofe hu-maine. Nayona ani kotegahena “Osi Esiagae.” huꞋya agia aye-mainae. Menia mage huta ani koꞋmo agia neꞋayone Tekie huta nehune. PoloꞋma mainea kanafina Lomu Kamani veaꞋmoꞋya mukiꞋa ani kotegaene kava hu-mainayane. PoloꞋa kema hu-maineana anima osi Esiama mainaya veafe hu-maine. Mama hanea kea Aposolo avopi hanegi vakayeka ago.

Atupale hanea avona vakayeka Lomu 8:29 ago.

Atupale hanea avona vakayeka Matiu 8:4 ago.

Atupale hanea avona vakayeka Aposolo 3:25 ago.

Atupale hanea avona vakayeka Matiu 26:2 ago.

Atupale hanea avona vakayeka Lomu 9:33 ago.

Atupale hanea avona vakayeka 1 Kolini 7:21,22 ago.

Papilonia kumafena PitaꞋa huno hiana Lomu veafe avame ke huno Papilonia kumale huno hu-maine. PitaꞋma mainea kanafina Lomu veaꞋmoꞋya nayoma Papilonia veaꞋmoꞋyama hu-mainaya augafa kava huꞋya kefo yana maiꞋya hageno hu-maine.

TeniꞋa (10) kanaema huno hu-maineana avame ke hu-maine. Aupa kanafi Anumayamoma amakuꞋa aminaya veala kame lagiꞋya kae-mategahae huno nehunofe teniꞋa (10) kanae huno hu-maine.

Atupale hanea avona vakayeka Matiu 23:18 ago.

Anumaya Kotina mono nomaꞋaema hiana Yisasina amakuꞋa amitafa hu-mainaya veafe avame kea hu-maleno hu-maine. Yisasi kema nohaviya veaꞋmoꞋya malaga maineꞋya Yisasina amakuꞋama amitafa hu-mainaya veaꞋnea kame hu-mategahe nehae.

Nagola alu afai afuema hiana havige huno aunema laga nehia kanohe hu-maine. Na avona vakayeka eteka Leveleseni 16:13 hapalika havio.

Atupale hanea avona vakayeka Lomu 9:33 ago.

Anima havigeꞋyama nehia aune kanohena alu afai afuma huꞋya haya kanohe hu-maine. Na avona vakayeka eteka Lev.13:11 hapalika havio.

NagoꞋa Anumayamona amakuꞋama aminaya veaꞋmoꞋya maꞋa amakesa havimainae. “Papilonia kumaꞋmoꞋa Lomu koꞋmo ame kana hu-maine.” huꞋya hu-mainae. PitaꞋa mani kea avame ke huno Lomu veafe Papilonia veaꞋne huno hu-maine. Na avona vakayeka eteka 1 Pita 5:13 hapalika havio. NagoꞋa veala Papilonia mukiꞋa alu kote alu kotega KalaisiꞋene agai kema nehaviya veaꞋnene kamea hu neꞋamataya veaꞋne mainae huꞋya hu-mainae. HaenagaꞋa Anumaya KotiꞋa aniꞋama nehaya veala alino haviya hu-mategahie. Na avona vakayeka eteka Lev.17 ene 18 ene hapalika havio. EtenoꞋma esiana agaila amakuꞋama aminesaya veaꞋneꞋage me mavaleno visiaꞋamo kanaleꞋya huꞋya ofalisaya kumatela haiꞋya KalaisiꞋene nagopi mo lokaeꞋya agola maige maige huꞋya maigahae.

VeaꞋmoꞋya kumaima nehae huꞋyama hayana Anumayamona akave omaleꞋya ma mopafi yafekeꞋya haviꞋya akave nemalaya yafe hu-maine. Anumaya Koti kema atalenaya yamoꞋa maꞋa hu-maine aꞋneꞋamima amataleꞋya ute ete hayaꞋamoꞋya kumai aꞋnema amavayu nehaya avamete kava hu-maine huno hu-maine.

Sipi sipi nafaꞋnema hiana Kalaisife hu-maine. A aligahie hunoꞋma hu-maineana ani aꞋnea mukiꞋa Yisasina amakuꞋama amitafa hu-mainaya veafe hu-maine. HaenagaꞋa KalaisiꞋma esia kanafina amakaya ve alave huꞋya maigahae huno hu-maine.